35-تەن استام قايىرىمدىلىق باعدارلاماسى ىسكە اسىرىلىپ جاتىر.
2022 جىلدىڭ قورىتىندىسى بويىنشا «سامۇرىق-قازىنا» قورىنان «قازاقستان حالقىنا» قوعامدىق قورىنا 66،6 ملرد تەڭگە ءبولۋ تۋرالى شەشىم قابىلداندى، دەپ حابارلايدى Almaty-akshamy.kz ق ر ۇكىمەتىنىڭ باسپا ءسوز قىزمەتىنە سىلتەمە جاساپ.
پرەزيدەنت ق. توقايەۆ قازاقستان حالقىنا جولداۋىندا اتاپ وتكەندەي، جاڭا قازاقستاننىڭ سيپاتىنا ساي كەلەتىن ماڭىزدى باستامالاردىڭ ءبىرى – «سامۇرىق-قازىنا» قورىنىڭ جىل سايىنعى تازا تابىسىنىڭ كەمىندە 7%-ىن «قازاقستان حالقىنا» قوعامدىق قورىنا اۋدارۋ باستاماسى.
«ۇلتتىق ءال-اۋقات قورى تۋرالى» زاڭعا ءتيىستى وزگەرىستەر ەنگىزىلدى. وسىلايشا، 2022 جىلدىڭ قورىتىندىسى بويىنشا قورعا 66،6 ملرد تەڭگە ءبولۋ تۋرالى شەشىم قابىلداندى»، - دەلىنگەن حابارلامادا.
قور مالىمەتىنشە بۇگىنگى تاڭدا مەديسينا، ءبىلىم بەرۋ، سپورت، الەۋمەتتىك قولداۋدى قوسا العاندا، 6 باعىتتا 35-تەن استام قايىرىمدىلىق باعدارلاماسى ىسكە اسىرىلۋدا.
اۋىر، ومىرگە ءقاۋىپ توندىرەتىن جانە ورفاندىق اۋرۋلارى بار 324 قازاقستاندىق جالپى سوماسى 24،9 ملرد تەڭگەدەن استام قىمبات دارىلىك پرەپاراتتارمەن قامتاماسىز ەتىلگەن. 20 پاسيەنت جالپى سوماسى 585،1 ملن تەڭگەگە شەتەلدە ەم الدى. 4 وڭىردە 4 ەرتە ارالاسۋ ورتالىعى اشىلدى.
«الداعى وقۋ جىلىنا حالىقتىڭ الەۋمەتتىك وسال ساناتتارىنان شىققان ستۋدەنتتەرگە 850 ءبىلىم بەرۋ گرانتى ءبولىندى. 17 وڭىردە ماتەريالدىق-تەحنيكالىق بازاسى تولىق جاڭارتىلعان 17 اۋىلدىق تىرەك مەكتەبى قۇرىلدى. 17 وبلىستا تاعى 63 مەكتەپ بويىنشا جۇمىس جالعاسۋدا»، - دەلىنگەن حابارلامادا.
اۋىلدىق جەرلەردە 24 سپورت زالى اشىلدى، 15 مىڭنان استام بالانى قامتيتىن تاعى 76 زال اشۋ جوسپارلانىپ وتىر. وڭىرلەردە جىلدام قۇراستىرمالى ءمودۋلدى سپورت زالدارىن ورناتۋ جوسپارلانعان.
96 بالا مەن ءجاسوسپىرىم يننوۆاسيالىق پروتەزبەن قامتاماسىز ەتىلدى. وعان 931،9 ملن تەڭگە جۇمسالدى. 10 پارا-سپورتشىعا سپورتتىق-جۇگىرۋ پروتەزدەرى جاسالدى. ەلدە العاش رەت پارا-سپورتشىلارعا ارنالعان جۇگىرۋ مەكتەبى اشىلدى. اۋتيزم جانە باسقا دا پسيحيكالىق اۋىتقۋلارى بار بالالارعا ارنالعان 4 ورتالىق اشىلدى.
«ۇلتتىق ءال-اۋقات قورىنان اۋدارىلاتىن قاراجاتتى ەسەپتەمەگەندە، تەك قايىرىمدىلىق جارنالارىنىڭ ءوزى 156 ملرد تەڭگەنى قۇرادى»، - دەلىنگەن حابارلامادا.