ءوندىرىس تۇرمىستىق تەحنيكا شىعارادى.
Samsung Electronics كومپانياسى ەلىمىزدە تۇرمىستىق تەحنيكا شىعاراتىن ءوندىرىس اشۋعا نيەت ءبىلدىردى، دەپ حابارلايدى Almaty-akshamy.kz
قازاقستان پرەزيدەنتى ەكى ەل ساۋدا-ەكونوميكا جانە ينۆەستيسيا سالالارىنا باسا ءمان بەرەتىنىن، كورەيا قازاقستاننىڭ ەڭ ءىرى بەس ينۆەستورىنىڭ ءبىرى سانالاتىنىن جەتكىزدى.
پرەزيدەنتتىڭ ايتۋىنشا، بىلتىرعا دەيىن وسى ەلدەن تارتىلعان ينۆەستيسيا كولەمى 9،6 ميلليارد دوللارعا جەتتى. بۇل كورسەتكىشتى ۇلعايتۋعا ەكى تاراپ تا مۇددەلى. قازاقستاندا كورەي كاپيتالى بار 700-دەن استام كومپانيا قىزمەت ەتەدى. مىسالى، Samsung، Hyundai، Kia، Lotte، Doosan، Posco سياقتى الپاۋىت كورپوراسيالاردى اتاپ وتۋگە بولادى. ولار ەلىمىزدە تابىستى جۇمىس جۇرگىزىپ جاتىر.
"ءبىز پرەزيدەنت يۋن سوك ءول مىرزامەن جان-جاقتى ىنتىماقتاستىقتى نىعايتۋعا كەلىستىك. اسىرەسە، ينفراقۇرىلىم، ءوندىرىس، قارجى، ەنەرگەتيكا، ەكولوگيا، اۆتوموبيل مەن اەروعارىش ونەركاسىبى، IT، سيفرلاندىرۋ جانە باسقا دا سالالارعا باسىمدىق بەرىپ وتىرمىز. ءقازىر Doosan Enerbility كومپانياسى تۇركىستاندا بۋ-گاز قوندىرعىسى ارقىلى جۇمىس ىستەيتىن ەلەكتر ستانساسىن سالىپ جاتىر. سونىمەن قاتار Samsung Electronics كومپانياسى ەلىمىزدە تۇرمىستىق تەحنيكا شىعاراتىن ءوندىرىس اشۋعا نيەت ءبىلدىردى. ءبىز مۇنداي باستامانى بارىنشا قولدايمىز. سونداي-اق GL Ralpha كومپانياسى استانادا بيوفارماسيەۆتيكا زاۋىتىن سالۋدى جوسپارلاپ وتىر، – دەدى قاسىم-جومارت توقايەۆ.