رەسەي اۋماعىندا قازاقستاندىق ازاماتتاردىڭ قاتىسۋىمەن بولعان جكو تۋرالى حاباردان كەيىن وقيعا ورنىنا شۇعىل تۇردە 6 جەدەل جاردەم بريگاداسى جولعا شىققان، دەپ حابارلايدى aqshamnews.kz
دەنساۋلىق ساقتاۋ مينيسترلىگىنىڭ مالىمەتىنشە، جول اپاتى «سامارا — بولشايا چەرنيگوۆكا» تاس جولىندا (رف سامارا وبلىسى) بولعان. كولىك اپاتىنان قازاقستاننىڭ التى ازاماتى، ونىڭ ىشىندە ەكى بالا زارداپ شەككەن. ولار 6 سانيتاريالىق اۆتوكولىكتىڭ كومەگىمەن ورال مەديسينالىق مەكەمەلەرىنە جەتكىزىلدى. تاعى ءبىر زارداپ شەككەن قازاقستاندىقتى تج دەپارتامەنتىنىڭ بريگاداسى جەتكىزدى.
— اپاتتان زارداپ شەككەندەردە ميدىڭ شايقالۋى، اياق-قولداردىڭ، جامباس سۇيەكتەرىنىڭ، ومىرتقانىڭ سىنۋى، كوگەرۋ، گەماتوما جانە ورتاشا اۋىرلىق دارەجەسىندەگى كوپتەگەن جاراقاتتار تىركەلدى. بۇگىن تاڭەرتەڭ زارداپ شەككەن 5 ەرەسەك ادام ورال قالالىق كوپبەيىندى اۋرۋحاناسىنا، 2 بالا وبلىستىق كوپبەيىندى بالالار اۋرۋحاناسىنا ەمدەۋگە جاتقىزىلدى، وندا ولارعا مەديسينالىق كومەكتىڭ تولىق كولەمى كورسەتىلەدى. بريگادالاردىڭ تاسىمالداۋى بارىسىندا پاسيەنتتەردىڭ جاي-كۇيىنىڭ ناشارلاۋىنا جول بەرىلگەن جوق، — دەلىنگەن مينيسترلىك حابارلاماسىندا.