الماتى اكىمى باقىتجان ساعىنتايەۆ سامال-3 شاعىناۋدانى تۇرعىندارىنىڭ جاڭا تۇرعىن ءۇي كەشەنىن سالۋعا قاتىستى شاعىمىنا جاۋاپ بەردى، دەپ حابارلايدى Almaty-akshamy.kz Tengrinews.kz -كە سىلتەمە جاساپ.
شاعىناۋدان تۇرعىندارى بۇعان دەيىن قۇرىلىستى توقتاتۋ ءۇشىن شەنەۋنىكتەرمەن بىرنەشە رەت كەزدەسۋ ۇيىمداستىرعان. سودان كەيىن ولار قالا اكىمىنەن تۇرعىن ءۇي كەشەنى ورنىنا كەلىپ، جاعدايعا ارالاسۋىن سۇرادى.
«الماتى قالاسى اكىمىنىڭ تاپسىرماسى بويىنشا مەڭدىقۇلوۆ كوشەسىندە جۇك كوتەرگىش كولىكتەردىڭ وتۋىنە تىيىم سالىنعانى تۋرالى بەلگى قويىلادى، سونداي-اق، سامال-3 شاعىناۋدانى، 37/2، 37/3 ۋچاسكەسى مەكەنجايى بويىنشا ورنالاسقان «جاستار تۇرعىن ءۇي كەشەنى جەراستى پاركينگى، حالىققا قىزمەت كورسەتۋگە ارنالعان تۇرعىن ەمەس ءۇي-جايلارى بار» نىسانىنىڭ قۇرىلىس الاڭىنا كىرۋدى جابۋ تاپسىرىلدى. قازىرگى ۋاقىتتا الماتىنىڭ قالا قۇرىلىسىن باقىلاۋ باسقارماسى جوعارىدا كورسەتىلگەن مەكەنجاي بويىنشا نىسانعا كىرەبەرىس پەن شىعابەرىسكە بەتون بلوكتار قويدى»، - دەلىنگەن الماتى اكىمدىگىنىڭ حابارلاماسىندا.
بۇعان دەيىن قۇرىلىس كومپانياسىنىڭ وكىلى تۇرعىن ءۇي كەشەنىنىڭ جەرى بىلتىر ساتىپ الىنعانىن جانە بۇل جەردە جەرگىلىكتى تۇرعىندار ايتقانداي ەشقاشان ساياباق بولماعانىن مالىمدەدى. ونىڭ سوزىنشە، بۇل ۋچاسكەگە 2003 جىلى «كوپ پاتەرلى تۇرعىن ءۇي كەشەنى مەن بيزنەس-ورتالىق سالۋ ءۇشىن» دەگەن نىسانالى ماقسات بەرىلگەن.
ەسكە سالايىق، بىلتىر كۇزدە الماتىلىقتار سامال-3 شاعىناۋدانىنداعى جالعىز ساياباق ورنىنا تۇرعىن ءۇي كەشەنىن سالۋعا شاعىمدانعان بولاتىن. كەيىن قالا اكىمى باقىتجان ساعىنتايەۆ تۇرعىنداردىڭ رۇقساتىنسىز قۇرىلىسقا رۇقسات بەرمەۋدى تاپسىردى.
ءبىر ايدان كەيىن جەرگىلىكتى تۇرعىندار ساياباققا قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ ەسىمىن بەرۋدى سۇرادى. ال وسى جىلدىڭ باسىندا قۇرىلىسشىلار ۋچاسكەگە كەيبىر جۇمىستار ءۇشىن ەكسكاۆاتور كىرگىزىگىسى كەلدى. الايدا جەرگىلىكتى تۇرعىندار بۇعان جول بەرمەدى.