ءبىرقاتار مەملەكەتتىك قىزمەتتەر مەن ەلەكتروندى سەرۆيستەردى "e-Salyq Azamat" جانە "e-Salyq Business" ءموبيلدى قوسىمشالارىنان الۋعا بولادى.
سالىق جانە كەدەن سالالارىنداعى 15 مەملەكەتتىك قىزمەت ءتۇرى "eGov mobile" جانە "eGov Business" ءموبيلدى قوسىمشالارىندا قولجەتىمدى، دەپ حابارلايدى Almaty-akshamy.kz قارجى مينيسترلىگىنىڭ باسپا ءسوز قىزمەتىنە سىلتەمە جاساپ.
ونىڭ ىشىندە دارا كاسىپكەردىڭ مارتەبەسىن تەكسەرۋ، سالىق ەسەپتىلىگىن قاراۋ جانە سالىقتاردى تولەۋ، دارا كاسىپكەر رەتىندە قىزمەتتىڭ باستالعانى تۋرالى حابارلاما، جەكەلەگەن قىزمەت تۇرلەرىن جۇزەگە اسىراتىن سالىق تولەۋشى رەتىندە قىزمەتتىڭ باستالعانى جانە توقتاتىلعانى تۋرالى حابارلاما جانە ت.ب. بار.
"سالىق تولەۋشىلەردىڭ سالىق مىندەتتەمەلەرىن ورىنداۋىن جەڭىلدەتۋ ءۇشىن 11 سەرۆيس جانە 2 مەملەكەتتىك قىزمەت جۇمىس ىستەيتىن "e-Salyq Azamat" جانە "e-Salyq Business" ارنايى ءموبيلدى قوسىمشالارى جۇمىس ىستەيدى.
كاسىپكەرلەرگە ىڭعايلى بولۋ ءۇشىن "Homebank" جانە "Kaspi.kz" قوسىمشىلارىندا 910.00 نىسانى بويىنشا سالىق ەسەپتىلىگىن ۇسىنۋ، سونداي-اق دارا كاسىپكەردى تىركەۋ، دارا كاسىپكەردىڭ دەرەكتەمەلەرىن وزگەرتۋ، سالىقتار بويىنشا بورىشتار، كولىك جانە مۇلىك سالىعى، دارا كاسىپكەر ءۇشىن تولەمدەر جانە ت. ب. سياقتى سەرۆيستەر قوسىلعان"، - دەلىنگەن حابارلامادا.
اقپاراتقا سايكەس، ءبىرقاتار قىزمەتتەر Smart Bridge-گە جانە kgd.gov.kz پورتالىنا شىعارىلعان.
"مەملەكەتتىك كىرىستەر ورگاندارى جەكە جانە زاڭدى تۇلعالارعا 43 مەملەكەتتىك قىزمەت ءتۇرىن كورسەتەدى، ونىڭ 26-سى سالىقتىق جانە 17ء-سى كەدەندىك باعىتتاعى قىزمەتتەر. بۇگىنگى تاڭدا 43 مەملەكەتتىك قىزمەتتىڭ 39-ى (نەمەسە 91%) ەلەكتروندىق فورماتقا اۋىستىرىلدى"، - دەپ حابارلادى قارجى مينيسترلىگى.