پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆ ءسان-سالتانات سالىعىن ەنگىزۋ باعىتىندا قانداي جۇمىس جۇرگىزىلىپ جاتقانىن ايتتى، دەپ حابارلايدى اlmaty-akshamy.kz.
«ءتيىستى جۇمىس توبى بار. وندا جۇزدەگەن وتىرىس وتكىزدىك. وعان بايلاردى شاقىرىپ، پىكىرىن ەشكىم سۇراعان جوق. سەبەبى، مەملەكەتتىك ورگانداردىڭ، بيزنەستىڭ، «اتامەكەن» ۇكپ وكىلدەرى مەن دەپۋتاتتار جانە باسقا دا ساراپشىلاردى شاقىرىپ، تالقىلاۋ جۇرگىزەمىز. ۇلتتىق ەكونوميكا مينيسترلىگىنىڭ جانىندا ەكونوميكالىق زەرتتەۋلەر ينستيتۋتى بار. وسى ينستيتۋتتا بۇكىل ماسەلە تالقىلانىپ جاتىر. بايلىق دەگەن جامان موتيۆاسيا ەمەس. ءار ادام، ءار كاسىپكەر ءبىرىنشى كەزەكتە جاعدايىن جاقسارتۋعا كوڭىل بولەدى جانە سول باعىتتا جۇمىس ىستەيدى»، - دەدى ول ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
سونىمەن قاتار ول سالىق بايلىققا ەمەس، اسىرا بايلىققا سالىناتىنىن اتاپ ءوتتى.
«سالىق كەز كەلگەن بايلىققا سالىنا بەرمەيدى. «روسكوش» تەرمينى قازاقشا اۋدارعاندا «ءسان-سالتانات» بولادى. ءبىز سونى انىقتاپ الۋىمىز كەرەك. بۇعان دەيىن ۇلتتىق ەكونوميكا ءمينيسترى دە، ۆيسە-مينيستر دە «سالىقتى اسىرا بايلىققا قاراستىرامىز. قۇنى وتە قىمبات ۇشاقتار، ياحتالار جانە تاعى باسقا اسىل زاتتارعا قاراستىرىلادى» دەگەن بولاتىن. ولاردىڭ ءتىزىلىمى بولادى. تەك سولارعا جوعارى سالىق سالىنادى»، - دەدى ەرۇلان جاماۋبايەۆ.