تۇتىنۋشىلارعا زاماناۋي قىزمەت كورسەتۋ ءۇشىن -سالەمدەمەلەردى جونەلتۋ مەن مەرەكەلىك سىيلىقتاردى، حات-حابارلاردى جەتكىزۋدى ۇشاق ارقىلى دا جۇزەگە اسىرۋعا بولادى.
Air Astana «ەسىكتەن – ەسىككە دەيىن» MyMAIL پوشتا جەتكىزۋدىڭ جاڭا قىزمەتىن ىسكە قوسىپ وتىر. قىزمەتتىڭ بۇل ءتۇرى قازىرگى ۋاقىتتا پيلوتتىق رەجيمدە الماتى مەن استانا قالالارى اراسىندا جۇزەگە اسپاق. جەدەل پوشتانى جەتكىزۋ Air Astana كومپانيالار توبىنىڭ تىكەلەي رەيستەرىمەن قولجەتىمدى.
تۇتىنۋشىلار جەتكىزۋ تۋرالى ءوتىنىشتى https://mymail.airastana.com/ سايتىندا سالەمدەمەنىڭ ءتۇرى مەن سالماعى، سونداي-اق جونەلتۋشى مەن الۋشىنىڭ مەكەنجايى كورسەتىلگەن ونلاين-رەجيمىندە جاساۋعا بولادى. قىزمەتتىڭ قۇنى جونەلتۋ جانە كەلىپ جەتۋ اۋەجايلارىنان مەكەنجايلاردىڭ قاشىقتىعىنا بايلانىستى ەسەپتەلەدى. پيلوتتىق جوبادا تاپسىرىس ءنومىرى بويىنشا سالەمدەمەنى قاداعالاۋ فۋنكسياسى دا قاراستىرىلعان.
جەتكىزۋگە قابىلداناتىن زاتتار:
- سالماعى 5 كگ-عا دەيىنگى جازباشا حات-حابار؛
- سالماعى 5 كگ-عا دەيىنگى جانە 35ح45ح15سم-دەن اسپايتىن سالەمدەمەلەر؛
- قۇجاتتاردىڭ ءتۇپنۇسقاسى (سونىڭ ىشىندە ءتولقۇجات، جۇرگىزۋشى كۋالىگى جانە ت.ب.).
ايتا كەتكەن ءجون، اۋەجايدا ءقاۋىپتى جۇك پەن جونەلتۋگە تىيىم سالىنعان زاتتاردىڭ بار-جوعىن ۆيزۋالدى تەكسەرۋ ءۇشىن جونەلتىلىمدەر جابىلماعان تۇردە قابىلدانادى. جونەلتۋگە تىيىم سالىنعان زاتتار ءتىزىمى mymail.airastana.com سايتىندا جاريالانعان. تۇتىنۋشىلار قالاۋى بويىنشا كەلىپ جەتۋ اۋەجايىنان عانا جەتكىزۋدى راسىمدەي الادى. انىقتاما ءۇشىن مىنا تەلەفوندارعا حابارلاسۋعا بولادى: +7 (727) 270-31-40، +7 (727) 270-30-53.