ايەلىنەن سالەم سالۋدى تالاپ ەتكەن ەر ادام سوت الدىندا جاۋاپ بەردى، دەپ حابارلايدى aqshamnews.kz
ەر ادام قايىن ەنەسىنە قوڭىراۋ شالىپ، قىزى مەن نەمەرەلەرىن الىپ كەتۋدى دورەكى تۇردە تالاپ ەتكەن
جامبىل وبلىسى جۋالى اۋداندىق سوتى وتباسىلىق-تۇرمىستىق قاتىناستارداعى بىلاپىت سوزدەر بويىنشا اكىمشىلىك قۇقىق بۇزۋشىلىق تۋرالى ءىستى قارادى.
وبلىستىق سوتتىڭ باسپا ءسوز قىزمەتىنىڭ حابارلاۋىنشا، مەيرامحاناداعى ۇيلەنۋ تويى كەزىندە ەر ادام جۇبايىنان ەجەلگى قازاق ءداستۇرى بويىنشا ۇلكەن اپكەسىنە سالەم سالۋدى وتىنگەن. الايدا ايەلى ءوز كەزەگىندە ءوتىنىشتى ورىنداۋدان باس تارتقان. ءارى قاراي، ولار ۇيگە ورالعان سوڭ، ازامات ايەلىنىڭ مىنەز-قۇلقىنا نارازىلىعىن ءبىلدىرىپ، وعان قاتىستى بىلاپىت سوزدەر ايتقان.
"سوتتا قۇقىق بۇزۋشى ءوزىنىڭ كىناسىن تولىق مويىنداپ، ايەلىنەن شىن جۇرەكتەن كەشىرىم سۇراپ جانە تاراپتاردىڭ مەدياسيا تارتىبىمەن تاتۋلاسقانىنا بايلانىستى سوتتان ءىس بويىنشا ءوندىرىستى توقتاتۋدى سۇرادى"، - دەپ جازىلعان حابارلامادا.
جابىرلەنۋشى كۇيەۋى قايىن ەنەسىنە قوڭىراۋ شالىپ، قىزى مەن نەمەرەلەرىن الىپ كەتۋدى دورەكى تۇردە تالاپ ەتكەنىن ءتۇسىندىردى. دەگەنمەن ول دا تاتۋلاسۋعا بايلانىستى ءىس بويىنشا ءىس جۇرگىزۋدى توقتاتۋدى سۇرادى.
سوت قاۋلىسىمەن ءىس بويىنشا ءىس جۇرگىزۋ تاراپتاردىڭ مەدياسيا تارتىبىمەن تاتۋلاسقانىنا بايلانىستى توقتاتىلدى.
سوت قاۋلىسى زاڭدى كۇشىنە ەنگەن جوق.