وليمپيادا جۇلدەگەرىنە ەكى بولمەلى پاتەر بەرىلدى
بوكستان الەم چەمپيونى، توكيو وليمپياداسىنىڭ قولا جۇلدەگەرى ساكەن بيبوسىنوۆقا تۇركىستان قالاسىنان سۋ جاڭا پاتەر بەرىلدى، دەپ حابارلايدى Almaty-akshamy.kz
بۇل تۋرالى وبلىس اكىمىنىڭ باسپا ءسوز قىزمەتى حابارلادى.
«تۇركىستاندى تۇلەتكەن» اتتى جىل قورىتىندىسى ءوتتى. ءىس شارادا وبلىس اكىمى ءومىرزاق شوكەيەۆ بوكسشىعا ەكى بولمەلى پاتەردىڭ كىلتىن تابىس ەتتى. پاتەر «سىرداريا» تۇرعىن ءۇي كەشەنىندە ورنالاسقان.
«الدا تۇركىستانعا قونىس اۋدارامىن. وسىندا جاتتىعامىن. جاڭادان قۇرىلىپ جاتقان «تۇران» بوكس كلۋبىندا جاتتىعۋ جاساپ، ءارى جاستارعا شەبەرلىك ساباعىن وتكىزۋدى جوسپارلاپ وتىرمىن»، - دەدى ساكەن بيبوسىنوۆ.