الماتىدا وقۋشىلار ۇيىندەگى №456 ۋچاسكەدە سايلاۋشىلاردى كونسەرتپەن قارسى الدى، دەپ حابارلايدى اlmaty-akshamy.kz.
بۇل سايلاۋ ۋچاسكەسى وزگەدەن ەرەكشەلەندى. وقۋشىلار ءۇيىنىڭ بالالارى ونەر كورسەتۋگە شەشىم قابىلدادى. وقۋشىلار ۇيىنە كىرە بەرىستە تاربيەلەنۋشىلەر سايلاۋ قۇرمەتىنە كونسەرت ۇيىمداستىردى. كىرە بەرىستە تاقتايشاعا «سايلاۋ قوناقتارى، قوش كەلدىڭىزدەر!» دەپ جازىلدى. وقۋشىلار جەكەلەي ونەر كورسەتىپ، كوكتەم، جاقسىلىق پەن ماحاببات تۋرالى حورمەن ءان شىرقادى.
سايلاۋشىلار مەن كوشەدەگى ادامدار كونسەرتتى تاماشالادى. ءتىپتى، ءبىر جاس انا قىزىمەن بىرگە بي بيلەپ، ءان سالدى.
ايتا كەتەيىك، سايلاۋ ۋچاسكەلەرىنىڭ جابىلۋىنا ەكى ساعاتتاي ۋاقىت قالدى.