زۋلفيا حۋسەينوۆا، تۇرىك ەتنومادەني ورتالىعى انالار كەڭەسىنىڭ ءتوراعاسى:
– ەلىمىز ەگەمەندىگىن العان كەزدەن باستاپ مەملەكەتتى باسقارۋدا حالىقتىڭ ارالاسۋى ماڭىزدى ەكەنىن قازاقستان تالاي مارتە كورسەتتى. ادىلەتتى، مادەنيەتتى تۇردە سايلاۋدىڭ ءوتۋى بۇل سوزىمىزگە دالەل بولا الادى.
بۇل جولى كانديداتتار وتە كوپ، ءبىراق ولاردى ءبىر مۇددە بىرىكتىرەدى. ولار – ەلدەگى تۇراقتىلىقتى قالايتىن قاراپايىم حالىقتىڭ وكىلدەرى. بۇل جولعى سايلاۋدىڭ ەرەكشەلىگى دە وسى، بولاشاق دەپۋتاتتاردىڭ ءبارى قاراپايىم حالىق اراسىنان شىققان ازاماتتار. ەلىمىزدىڭ بولاشاعى ءۇشىن داۋىس بەرۋ، تاڭداۋ جاساۋ ءار ازاماتتىڭ بورىشى دەپ سانايمىن. قازاقستان رەسپۋبليكاسىنىڭ ازاماتى رەتىندە سايلاۋعا قاتىسۋ مەن ءۇشىن ۇلكەن مارتەبە. بۇگىن، مىنە، ناۋرىزباي اۋدانىنداعى № 516 سايلاۋ ۋچاسكەسىنە كەلىپ داۋىس بەردىم. داۋىس بەرۋگە كەلىپ جاتقان حالىقتىڭ قاراسى كوپ ەكەن، بەلسەندى ازاماتتاردى كورىپ، كوڭىلىم كوتەرىلىپ قالدى.