سايلاۋعا كوپ ادامدار وتباسىمەن كەلىپ جاتىر

الماتىدا ي.ەسەنبەرلين اتىنداعى №25 مەكتەپكە ورنالاسقان №91 سايلاۋ ۋچاسكەسىنە كەلۋشىلەر قاتارى قالىڭ. اۋلادا ويناپ جاتقان  كوڭىلدى مۋزىكانىڭ ءوزى كەلۋشىلەرگە ەرەكشە كوڭىل-كۇي سىيلاپ تۇر،دەپ حابارلايدى اlmaty-akshamy.kz     
№91 سايلاۋ ۋچاسكەسىنىڭ ءتورايىمى عازيزا امانبايدىڭ ايتۋىنشا، وسى اۋماقتا تۇرىپ جاتقان ەلىمىزگە بەلگىلى تۇلعالار امانتاي قاجى اسىلبەك،  ساعىناي ابدۋللين،  باحتيار  تايلاقبايەۆ، ايجان نۇرماعانبەتوۆا بەلسەندىدىك تانىتىپ، ءوز تاڭداۋلارىن جاساسا، جاستار جاعى ءالى دە كەلىپ جاتقان كورىنەدى.      

– ءبىزدىڭ اۋماق اسا ۇلكەن ەمەس، سايلاۋعا داۋىس بەرۋشىلەر سانى 1897 ادام. ەڭ قارت تۇرعىنىمىز - ۇلى وتان سوعىسىنىڭ ارداگەرى ىزگىلىك دابايەۆ ءجۇز جاستا. ول كىسىنىڭ ءجۇرىپ-تۇرۋى قيىن بولعاندىقتان، كوميسسيا مۇشەلەرى سايلاۋ جاشىگىن الىپ، ۇيىنە باردى. تاعى ءبىر ايتا كەتەرلىگى، سايلاۋعا كەلۋشىلەردىڭ دەنى وتباسىمەن كەلىپ جاتىر. مۇمكىندىگى شەكتەلەۋلى جانداردىڭ دا ءوز تاڭداۋىن جاساۋىنا تولىق جاعداي جاسالعان. جۇرۋگە ارنالعان ارنايى جولاق، ليفت بار. سايلاۋ ۋچاسكەسىندە ەشقانداي قۇقىق بۇزۋشىلىق ورىن العان جوق.  
بۇل كۇنى داۋىس بەرۋشىلەر قاتارىندا رينات پەن ايگەرىم شاياحمەتوۆتەردىڭ دە وتباسى بولدى. ولار سايلاۋعا ءۇش جارىم جاستاعى قىزى ايري مەن التى ايلىق ۇلدارى ءالىمدى الا كەلىپتى، - دەيدى سايلاۋ ۋچاسكەسىنىڭ ءتورايىمى عازيزا امانباي.