بۇگىنگى سايلاۋ بۇرىنعىدان وزگەشە. شىمىلدىعى تاڭعى ساعات 7.00-دە اشىلعان سايلاۋ العاش رەت ءبىر مينۋت ۇنسىزدىكپەن، ياعني قازا تاپقان كەنشىلەردى ەسكە الۋمەن باستالدى.
ءدال ءقازىر №36 گيمنازيا اۋماعىندا ەكى سايلاۋ ۋچاسكەسى جۇمىس ىستەپ تۇر. داۋىس بەرۋگە كەلگەن تۇرعىندارعا ءبارى تۇسىنىكتى بولۋى ءۇشىن جەردە بەلگىلەر قويىلعان.
«ءبىز ءۇشىن ءاربىر تۇرعىن ماڭىزدى. اسىرەسە، سايلاۋدا زەينەتكەرلەر بەلسەندىلىك تانىتۋدا. ولار قاشاندا بارىمىزگە ۇلگى بولۋعا دايىن بۇرىنعىنىڭ ادامدارى. جاس بۋىن دا كەلىپ جاتىر. بۇل ءبىزدىڭ بولاشاعىمىزدىڭ سەنىمدى قولدا ەكەنىن بىلدىرەدى دەپ ويلايمىن»، - دەدى №86 سايلاۋ ۋچاسكەسىنىڭ ءتوراعاسى سەرىك سەركىشبايەۆ.
وسى سايلاۋ ۋچاسكەسىنە كورشىلەس ورنالاسقان №90 سايلاۋ ۋچاسكەسىندە دە سايلاۋشىلاردى كۇتىپ الىپ جاتىر.
«ءبىز سايلاۋعا شاقىرۋ قاعازىن بارلىعىنا جەكە تاراتۋعا، قولدارىنا ۇستاتۋعا تىرىستىق. سوندىقتان بولار، سايلاۋشىلاردىڭ بەلسەندىلىگى جوعارى. داۋىس بەرۋگە اعا بۋىن، ورتا بۋىن جانە جاستار دا كوپتەپ كەلىپ جاتىر»، - دەيدى №90 سايلاۋ ۋچاسكەسىنىڭ ءتوراعاسى اقمارال اكسۋشكوۆا.
ەسكە سالا كەتەيىك، ءدال ءقازىر الماتىدا №4 ءبىرمانداتتىق اۋماقتىق سايلاۋ وكرۋگى بويىنشا شىعىپ قالعاننىڭ ورنىنا الماتى قالاسى ءماسليحاتى دەپۋتاتىن سايلاۋ ناۋقانى ءجۇرىپ جاتىر. قالادا بارلىعى 42 سايلاۋ ۋچاسكەسى اشىلعان.