مەملەكەتتىك كەڭەسشى ەرلان قارين بۇگىنگى سايلاۋدان كەيىن ەلدە بولاتىن ساياسي رەفورمالار مەن وزگەرىستەرگە قاتىستى پىكىر ءبىلدىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«سايلاۋدان كەيىن ەلدەگى رەفورمالاردىڭ ءارى قاراي جالعاسقانىن كۇتەمىز. سەبەبى بۇل سايلاۋ دا جۇزەگە اسىپ جاتقان رەفورمالاردىڭ جالعاسى. بۇگىنگى سايلاۋ ەلدەگى بولىپ جاتقان وزگەرىستەرگە سەرپىن بەرەدى. سونىمەن قاتار حالىقتىڭ مەملەكەتتىك شەشىم قابىلداۋ پروسەسىنە كەڭىرەك تارتىلۋىنا جاعداي جاسايدى دەپ ويلايمىن. ءبىر مانداتتىق وكرۋگ بويىنشا كانديتتاردىڭ سايلاۋعا ءتۇسۋى - بيىل ەنگىزىلىپ وتىرعان جاڭاشىلدىق. بۇل ازاماتتاردىڭ سايلاۋعا ءتۇسۋ مۇمكىندىكتەرىن كەڭەيتتى. وزدەرىڭىز بىلەسىزدەر، بۇعان دەيىن پارتيا مۇشەلەرى عانا سايلاۋعا تۇسە الاتىن ەدى»، - دەدى ەرلان قارين داۋىس بەرگەن سوڭ ب ا ق وكىلدەرىنىڭ ساۋالىنا جاۋاپ بەرە تۇرىپ.
ونىڭ ايتۋىنشا، ارالاس سايلاۋ جۇيەسىن ەنگىزۋ نەگىزىندە قاراپايىم ادامدار باعىن سىناي الادى.
«بۇل - ەلىمىزدەگى سايلاۋ جۇيەسىنىڭ كەڭەيۋىنىڭ، تاڭداۋدىڭ بەلگىسى. ءماجىلىس پەن جەرگىلىكتى ءماسليحاتتارعا جاڭا تۇلعالار پايدا بولادى. بۇل الداعى ۋاقىتتا قابىلداناتىن شەشىمدەردىڭ ساپاسىن ارتتىرۋعا، ساياسي سالاداعى قوعامدىق-ساياسي مۇددەلەردىڭ وكىلدىگىن كەڭەيتۋگە ىقپال ەتەدى»، - دەيدى ول.
بۇعان دەيىن مەملەكەتتىك كەڭەسشى ەرلان ءقاريننىڭ ەلورداداعى №111 سايلاۋ ۋچاسكەسىندە داۋىس بەرگەنى تۋرالى حابارلاعان ەدىك.