ءماجىلىس سايلاۋىندا داۋىس بەرۋ بيۋللەتەنىنىڭ كولەمى وزگەرتىلەدى. بۇل تۋرالى ورتالىق سايلاۋ كوميسسياسىنىڭ وتىرىسى بارىسىندا بەلگىلى بولدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ءبىز بيۋللەتەندەردىڭ كولەمىن وزگەرتەمىز. ول ءۇشىن تاجىريبە جاساپ كوردىك. ەگەر ادەتتەگى ا4 ەمەس ا 5 قاعازىن قولداناتىن بولساق، وندا بيۋللەتەن جاقسى وقىلادى. بيۋللەتەندە پارتيالار تىزىمىنە ارنالعان 7 جولاق بولادى. ال 8ء-شى پوزيسيا - بارلىق كانديداتقا قارسى داۋىس بەرۋ جولاعى. ەگەر ءبىر مانداتتى وكرۋگتەرگە كەلسەك، 16 كانديداتتىڭ ءاتى-جونى ەركىن سيادى جانە كوزگە كورىنەدى. كورۋ قابىلەتى ناشار ادامدار ءۇشىن سايلاۋ ۋچاسكەلەرىندە ارنايى ورىندار جابدىقتالادى. ەگەر دەپۋتاتتىققا كانديداتتاردىڭ سانى 16-دان استام بولسا، وندا بيۋللەتەننىڭ مولشەرى ۇلعايا تۇسەدى»، – دەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ.