الماتىدا ازاماتتاردىڭ سايلاۋ قۇقىعىنىڭ جۇزەگە اسۋى قوعامدىق باقىلاۋشىلاردىڭ باقىلاۋىندا
الماتى قالاسى بويىنشا ق ر پرەزيدەنتى سايلاۋىنان حابار تاراتۋ جونىندەگى باسپا ءسوز ورتالىعى الاڭىندا سايلاۋدى قوعامدىق باقىلاۋشىلاردىڭ قاتىسۋىمەن بريفينگ ءوتتى.
سايلاۋعا قاتىستى ءوزىنىڭ العان اسەرىمەن الماتى قوعامدىق كەڭەسىنىڭ مۇشەسى، باقىلاۋشىلار مەكتەبىنىڭ ترەنەرى بەكنۇر قيسىقوۆ ءبولىستى.
بەكنۇر قيسىقوۆتىڭ ايتۋىنشا، سايلاۋ كۇنى شىن مانىندە مەرەكەلىك كۇن ەكەنىن سەزىنگەن كوپتەگەن ادامدار سايلاۋ ۋچاسكەلەرى اشىلا سالا، تاڭعى 7-دەن كەلگەن.
«ءالى دە داۋىس بەرە قويماعان الماتىلىقتاردى ءوز قۇقىقتارىن قولدانۋعا شاقىرامىز. الماتى تۇرعىندارىنىڭ 17%-ى داۋىس بەردى. كەشكە دەيىن بۇل كورسەتكىش كوبەيەدى دەپ ويلايمىن. جالپى، سايلاۋ بارىسى قالىپتى ءوتىپ جاتىر»، - دەپ حابارلادى باقىلاۋشى.