سايلاۋ ءبارىمىز ءۇشىن وتە ماڭىزدى تاريحي جاعداي - تولقىن زابيروۆا

كوپتىڭ كوڭىلىندەگى اۋەلگى ماسەلە – ءتۇرلى سالاداعى رەفورمانىڭ تيىسىنشە ناتيجە بەرۋى

«الداعى پرەزيدەنت سايلاۋى – ەڭ اۋەلى ەل بولاشاعىنا ءۇمىت ارتاتىندار ءۇشىن ۇلكەن مۇمكىندىك». بۇل – قازاق ونەرىنىڭ قايراتكەرلەرىنىڭ پىكىرى، دەپ حابارلايدى Almaty-akshamy.kz Almaty.tv-گە سىلتەمە جاساپ.

ال كوپتىڭ كوڭىلىندەگى اۋەلگى ماسەلە – ءتۇرلى سالاداعى رەفورمانىڭ تيىسىنشە ناتيجە بەرۋى. سوندىقتان ساياسي قادامداردىڭ جاسالۋى ەلدىڭ ءار ازاماتىنا تىكەلەي بايلانىستى.

«ۇلكەن رەفورمالار جاسالىپ جاتىر. وسىنىڭ بارلىعى ارى قاراي ءوز جۇيەسىن تاۋىپ، جالعاسسا، ەڭ باستى نارسە – سول. سايلاۋدان كەيىنگى مەنىڭ كۇتەتىنىم، حالىقتىڭ كۇتەتىنى، مەن سياقتى قازاقتىڭ ازاماتتارىنىڭ كۇتەتىنى – سول»، – دەدى  اكتەر، ق ر ەڭبەك سىڭىرگەن قايراتكەرى دۋلىعا اقمولدا.

«بۇل ساياسي ناۋقاندا تىس قالۋعا بولمايدى»دەگەن ونەر قايراتكەرى ەلدەگى وزگەرىستىڭ قاي-قايسىسى بولماسىن، ازاماتتاردىڭ ءوز قولىندا دەگەن پىكىردە. ويتكەنى وتان – وتباسىنان باستالادى.

«بۇل – سايلاۋ ءبارىمىز ءۇشىن وتە ماڭىزدى تاريحي جاعداي. ءبارىمىز جاڭا قازاقستانعا بەت بۇرىپ جاتىرمىز. ول ءبىزدىڭ بالالارىمىزدىڭ بولاشاعى، ءبىزدىڭ بولاشاعىمىز، تىپتەن ءبىزدىڭ ەلىمىزدىڭ بولاشاعى. سوندىقتان، وسى سايلاۋعا ءبارىمىز اتسالىسىپ، جۇمىلىپ، بەلسەندى قاتىسۋ كەرەكپىز دەپ ويلايمىن»، – دەدى ءانشى، ق ر ەڭبەك سىڭىرگەن قايراتكەرى تولقىن زابيروۆا.