20 قاراشادا وتەتىن كەزەكتەن تىس پرەزيدەنتتىك سايلاۋعا كانديدات رەتىندە ۇسىنىلعان 7 ۇمىتكەر سايلاۋشىلاردان قول جيناۋعا كىرىستى.
ولار كەلەسى اپتانىڭ جۇماسىنا دەيىن زاڭنامادا كورسەتىلگەن قولدى جيناپ، كانديدات رەتىندە تىركەلۋى كەرەك، دەپ حابارلايدى Almaty-akshamy.kz.
ورتالىق سايلاۋ كوميسسياسىنىڭ اقپاراتى بويىنشا، ازىرگە تەك ءبىر ۇمىتكەرگە رۇقسات بەرىلدى. ول حالىقتىق كواليسيا اتىنان ۇسىنىلعان، قازىرگى پرەزيدەنت قاسىم-جومارت توقايەۆ.
ودان بولەك، ءقازىر جول جيناپ جاتقان ۇمىتكەرلەردىڭ ءتىزىمى مىناداي: «اۋىل» پارتياسى اتىنان - جيگۋلي دايرابايەۆ، «امانات» كاسىپوداقتار دوستاستىعى اتىنان - مەيرام قاجىكەن، جالپىۇلتتىق سوسيال-دەموكراتيالىق پارتياسى اتىنان - نۇرلان اۋەسبايەۆ، «كاسىبي الەۋمەتتىك جۇمىسكەرلەردىڭ ۇلتتىق اليانسى» اتىنان - قاراقات ابدەن، «حالىق دەموگرافياسى» قوعامدىق بىرلەستىگى اتىنان - جۇماتاي الييەۆ، «قازاق انالارى – داستۇرگە جول» بىرلەستىگى اتىنان - سالتانات تۇرسىنبەكوۆ جانە «فۋتبول جانكۇيەرلەرىنىڭ قازاقستاندىق ليگاسى» رەسپۋبليكالىق قوعامدىق بىرلەستىگىنەن ۇسىنىلعان باقىت جاڭابايەۆ.
ال، ورتالىق سايلاۋ كوميسسياسى ءۇش ۇمىتكەردى پرەزيدەنتتىككە كانديدات رەتىندە تىركەۋدەن باس تارتتى. ولار: تالعات ەرعالييەۆ – «قازاقستان قۇرىلىسشىلار وداعى» اتىنان، حايروللا عابجاليلوۆ – «ورالمانداردىڭ «اسار» بىرلەستىگى» اتىنان جانە فاتيما بيزاقوۆا - «تاجىريبەلىك پسيحولوگيا» رەسپۋبليكالىق قوعامدىق بىرلەستىگى اتىنان. بۇدان بولەك، كوميسسيا «مۇقالماس» قوعامدىق بىرلەستىگى اتىنان ۇسىنىلعان نۇرجان التايەۆتىڭ سايكەستىگىن بەلگىلەۋ ءراسىمىن ۋاقىتشا توقتاتتى.