بۇگىن ق ر عىلىم جانە جوعارى ءبىلىم ءمينيسترى ساياسات نۇربەك سينگاپۋرداعى Nanyang Technological University وكىلدەرىمەن كەزدەسۋ وتكىزدى.
ءىس-شارا بارىسىندا سينگاپۋر مەن قازاقستاندىق جوعارى وقۋ ورىندارى اراسىنداعى ەكىجاقتى ىنتىماقتاستىق ماسەلەلەرى تالقىلاندى، دەپ حابارلايدى Almaty-akshamy.kz.
مينيستر Nanyang Technological University باسشىلىعىنا قازاقستاننىڭ جوعارى ءبىلىم جانە عىلىم جۇيەسىن دامىتۋ جانە نىعايتۋ ماقساتىندا مينيسترلىك جۇرگىزىپ جاتقان رەفورمالار تۋرالى ايتىپ بەردى. ونىڭ ىشىندە، مەملەكەت باسشىسى ايقىنداعان مينيسترلىكتىڭ نەگىزگى باسىمدىقتارىمەن تانىستىردى.
«ق ر پرەزيدەنتى قاسىم-جومارت توقايەۆتىڭ تاپسىرماسى بويىنشا مينيسترلىك قازاقستاندا شەتەلدىك جوعارى وقۋ ورىندارىنىڭ فيليالدارىن اشۋ بويىنشا جۇمىس جۇرگىزۋدە. قازىرگى ۋاقىتتا ەلىمىزدە جەتەكشى الەمدىك جوعارى وقۋ ورىندارىنىڭ بىرنەشە فيليالدارى اشىلىپ، ىنتىماقتاستىق گەوگرافياسىن كەڭەيتۋ ءۇشىن جاعدايلار جاساۋ قولعا الىنىپ جاتىر»، - دەدى ساياسات نۇربەك.
سونىمەن قاتار، قوناقتار «بولاشاق» ستيپەنديالىق باعدارلاماسى جانە «500 عالىم» باعدارلاماسىمەن تانىستى. ءمينيستردىڭ ايتۋىنشا، «500 عالىم» باعدارلاماسى اياسىندا وتاندىق عالىمدار شەتەلدىك ۋنيۆەرسيتەتتەر مەن زەرتتەۋ ورتالىقتارىندا عىلىمي تاعىلىمدامادان وتە الادى.
ءوز كەزەگىندە سينگاپۋر ۋنيۆەرسيتەتى پرەزيدەنتىنىڭ ورىنباسارى جانە پروۆوستى، پروفەسسور Ling San Nanyang Technological University قىزمەتى تۋرالى ايتىپ بەردى. سونداي-اق، ول قازاقستاندىق ارىپتەستەرىن قىركۇيەك ايىندا وتەتىن ونلاين-كونفەرەنسياعا قاتىسۋعا شاقىردى، شارا بارىسىندا قازاقستاندىقتاردىڭ وسى جوو-عا ءتۇسۋ مۇمكىندىكتەرىن تالقىلاۋعا بولادى.
كەزدەسۋ سوڭىندا تاراپتار قازاقستاندىق جوعارى وقۋ ورىندارىنىڭ Nanyang Technological University-مەن ىنتىماقتاستىق پەرسپەكتيۆالارىن قاراستىردى. مينيستر ساياسات نۇربەك قوناقتارعا ساپارى ءۇشىن العىس ايتىپ، جوعارى ءبىلىم مەن عىلىم سالاسىنداعى جەمىستى ءوزارا سەرىكتەستىككە ءۇمىت ءبىلدىردى.