ەكىجاقتى مەموراندۋمعا قول قويىلدى
بۇگىن استانادا ساحا (ياكۋتيا) رەسپۋبليكاسىنىڭ قازاقستانداعى كۇندەرى باستالدى، دەپ حابارلايدى Almaty-akshamy.kz
استانا مەن الماتى قالالارىندا 21 ساۋىرگە دەيىن جالعاساتىن كۇندەر اياسىندا باۋىرلاس ەكى ەل اراسىنداعى مادەني، سپورتتىق، ىسكەرلىك باعىتتا كوپتەگەن شارا ۇيىمداستىرۋ جوسپارلانعان، دەپ حابارلادى اسىق اتۋ فەدەراسياسىنىڭ باسپا ءسوز قىزمەتى.
ءىس-شارانىڭ ءبىرىنشى كۇنى قازاقستان پرەزيدەنتى قاسىم-جومارت توقايەۆ ساحا رەسپۋبليكاسىنىڭ باسشىسى ايسەن نيكولايەۆتى قابىلداپ، ەكى ەل اراسىنداعى اۋىل شارۋاشىلىعى، كەن ءوندىرۋ، سيفرلاندىرۋ جانە تۋريزم سالالارىنداعى ىنتىماقتاستىق تالقىلاندى.
«سونىمەن قاتار، اسىق اتۋ فەدەراسياسىنىڭ اتقارۋشى ديرەكتورى جومارت سابىرجان ۇلى مەن ساحا رەسپۋبليكاسى مەملەكەتتىك بيۋدجەتتىك مەكەمەسىنىڭ ديرەكتورى گەنناديي ۆاسيليەۆ ساحا رەسپۋبليكاسى دەنە شىنىقتىرۋ جانە سپورت مينيسترلىگىنىڭ ۆاسيليي مانچاارى اتىنداعى ۇلتتىق سپورت تۇرلەرى ورتالىعى مەن ق ر اسىق اتۋ فەدەراسياسى اراسىندا ىنتىماقتاستىق تۋرالى مەموراندۋمعا قول قويدى»، دەلىنگەن حابارلامادا.
الداعى ۋاقىتتا قازاقتىڭ ۇلتتىق اسىق اتۋ جانە بەس اسىق ويىنى ساحا رەسپۋبليكاسىندا دامىتىلىپ، بىرلەسكەن وقۋ-جاتتىعۋ جيىندارى مەن جارىستار وتكىزىلەتىن جانە دۇنيەجۇزىلىك كوشپەندىلەر ويىندارىنا ساحا رەسپۋبليكاسى اسىق اتۋدان كوماندا اكەلەتىن بولدى. بۇدان بولەك، ياكۋتتىڭ حابىلىك جانە حاامىسكا ويىندارىن دا بىرلەسە دامىتۋ جاعى كەلىسىلدى.