قىتايدىڭ شانحاي قالاسىندا ءوتىپ جاتقان ساداق اتۋدان الەم كۋبوگى كەزەڭىندە قازاقستان قۇراماسى العاشقى جۇلدەسىنە قول جەتكىزدى، دەپ حابارلايدى اlmaty-akshamy.kz olympic.kz-كە سىلتەمە جاساپ.
بلوكتىق ساداق اتۋدان ايەلدەر اراسىنداعى كوماندالىق جارىستا قازاقستان ەستونيانى 231:224 ەسەبىمەن جەڭىپ، قولا مەدال يەلەندى.
ودان بولەك، شيرەك فينالدا قازاقستاندىقتار وڭتۇستىك كورەيانى 234:230 ەسەبىمەن ۇتىپ، جارتىلاي فينالدا يتاليا قۇراماسىنا ءبىر ۇپاي ايىرماسىمەن ەسە جىبەرگەن.
ايتا كەتەيىك، الەم كۋبوگى كەزەڭىندە قازاقستان نامىسىن ادەل جەكسەنبينوۆا، ۆيكتوريا ليان جانە ايجان سەيداحمەتوۆا قورعادى.
بۇل - ساداق اتۋدان قازاقستان ايەلدەر قۇراماسىنىڭ الەم كۋبوگى كەزەڭدەرىندە جەڭىپ العان العاشقى جۇلدەسى. بۇعان دەيىن ءبىزدىڭ كوماندا كۋبوكتىك سىنداردان مۇلدە مەدال الماعان.