قىتايدىڭ شانحاي قالاسىندا ءوتىپ جاتقان ساداق اتۋدان الەم كۋبوگى كەزەڭىندە قازاقستان قۇراماسى العاشقى جۇلدەسىنە قول جەتكىزدى.
بلوكتىق ساداق اتۋدان ايەلدەر اراسىنداعى كوماندالىق جارىستا قازاقستان ەستونيانى 231:224 ەسەبىمەن جەڭىپ، قولا مەدال يەلەندى، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
ودان بولەك، شيرەك فينالدا قازاقستاندىقتار وڭتۇستىك كورەيانى 234:230 ەسەبىمەن ۇتىپ، جارتىلاي فينالدا يتاليا قۇراماسىنا ءبىر ۇپاي ايىرماسىمەن ەسە جىبەرگەن.
ايتا كەتەلىك، الەم كۋبوگى كەزەڭىندە قازاقستان نامىسىن ادەل جەكسەنبينوۆا، ۆيكتوريا ليان جانە ايجان سەيداحمەتۆا قورعادى.
بۇل ساداق اتۋدان قازاقستان ايەلدەر قۇراماسىنىڭ الەم كۋبوگى كەزەڭدەرىندە جەڭىپ العان العاشقى جۇلدەسى. بۇعان دەيىن ءبىزدىڭ كوماندا كۋبوكتىك سىنداردان مۇلدە مەدال الماعان.