جەڭىمپازعا جۇيرىك جەتپەيدى
قازاقستاننىڭ ءبىرىنشى راكەتكاسى ەلەنا رىباكينا دۋبايدا وتكەن World Tennis League (WTL) كوماندالىق ءتۋرنيرىنىڭ جەڭىمپازى اتاندى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
قازاقستان تەننيس فەدەراسياسىنان ءمالىم ەتكەنىندەي، ە.رىباكينا «قارشىعالار» (Hawks) توبىندا ونەر كورسەتتى.
بۇل توپتا سونداي-اق الەكساندر زۆەريەۆ، دومينيك تيم جانە اناستاسيا پاۆليۋچەنكوۆا وينادى.
جارىس بارىسىندا قازاقستاندىق تەننيسشى قارسىلاستارىنىڭ ءبارىن دە ۇتتى. سونىڭ ىشىندە الەمنىڭ ءبىرىنشى راكەتكاسى، پولياك قىزى يگا سۆەنتەك تە بار.
ەندى ەلەنا رىباكينا جاڭا جىلداعى دودالارعا قاتىسۋ ءۇشىن اۋسترالياعا جول تارتادى.