قازاقستان رەسپۋبليكاسىنىڭ تاۋەلسىزدىگىنە - 30 جىل
بەينەكونفەرەنسيا فورماتىندا وتكەن ءىس-شاراعا كورنەكتى پارلامەنتشىلەر مەن مەملەكەتتىك ورگانداردىڭ باسشىلارى، ەكى ەلدىڭ عىلىمي، ىسكەرلىك جانە اكادەميالىق توپتارىنىڭ وكىلدەرى قاتىستى، دەپ حابارلايدى Almaty-akshamy.kz
ق ر سىرتقى ىستەر ءمينيسترىنىڭ ورىنباسارى ەرلان الىمبايەۆ ءوز سوزىندە ەلىمىزدىڭ كوپۆەكتورلى سىرتقى ساياساتىن دامىتۋدىڭ نەگىزگى باعىتتارىن جانە حالىقارالىق ۇيىمدار شەڭبەرىندەگى مەملەكەتىمىزدىڭ جوعارى بەلسەندىلىگىن، ونىڭ ىشىندە ەقىۇ، بۇۇ قك، يىۇ جانە باسقالارداعى تابىستى ءتوراعالىعىن، سونداي-اق ونىڭ يادرولىق قارۋسىز الەم ءۇشىن جاھاندىق قوزعالىسقا قوسقان قوماقتى ۇلەسىن اتاپ ءوتتى.
ونىڭ ايتۋىنشا، نۇر-سۇلتان مەن بۋحارەست كەڭ اۋقىمدى ماسەلەلەر بويىنشا ءوزارا تۇسىنىستىكتىڭ جوعارى دەڭگەيىنە قول جەتكىزدى جانە ءتۇرلى سالالارداعى ىنتىماقتاستىقتىڭ ناقتى جوبالارىن ىسكە اسىرۋ ءۇشىن ۇنەمى جۇمىس ىستەۋدە. ءوز كەزەگىندە رۋمىنيا سىرتقى ىستەر مينيسترلىگىنىڭ مەملەكەتتىك حاتشىسى دان نەكۋلاەسكۋ ەكى سىرتقى ساياسي ۆەدومستۆو اراسىنداعى ءوزارا ءىس-قيمىلدىڭ جوعارى دەڭگەيىن، ونىڭ ىشىندە وڭىرلىك جانە جاھاندىق كۇن ءتارتىبى بويىنشا تۇراقتى پىكىر الماسۋدى اتاپ ءوتتى.
قازاقستاننىڭ رۋمىنياداعى ەلشىسى نۇرباح رۇستەموۆ ق ر تۇڭعىش پرەزيدەنتى – ەلباسى نۇرسۇلتان نازاربايەۆتىڭ باسشىلىعىمەن ەلىمىز جاھاندانۋ جانە يندۋستريالاندىرۋ داۋىرىنە سەنىمدى قادام باسقانىن جانە بارلىق قازاقستاندىقتاردىڭ بىرلەسكەن كۇش-جىگەرىنىڭ ارقاسىندا العا قويىلعان ماقساتتارعا سەنىممەن قادام باسىپ كەلە جاتقانىن، سونداي-اق مەملەكەت باسشىسى باستاماشىلىق ەتكەن، مەملەكەتىمىزدىڭ ماڭىزدى دەموكراتيالىق پروسەستەرىن ىسكە اسىرۋعا باعىتتالعان رەفورمالاردى اتاپ ءوتتى. ول رۋمىنيا ساياسي جانە ساۋدا-ەكونوميكالىق سالالاردا، سونداي-اق حالىقارالىق ۇيىمدار شەڭبەرىندە ءوزارا ءتيىمدى ارىپتەستىك ورناتقان قازاقستان ءۇشىن ماڭىزدى ەۋروپالىق ارىپتەس بولىپ تابىلاتىنىن اتاپ ءوتتى.
ەلشى 2020 جىلعى قىركۇيەكتە قازاقتىڭ ۇلى اقىنى اباي ءبيۋستىنىڭ جانە 2021 ج. قىركۇيەكتە بۋحارەستتەگى «قازاقستان» سكۆەرىنىڭ جانە نۇر-سۇلتاندا رۋمىن ادەبيەتىنىڭ كلاسسيگى ميحاي ەمينەسكۋ ءبيۋستىنىڭ اشىلۋىن مادەنيەت سالاسىنداعى ەكى ەلدىڭ جاقىنداسۋىنىڭ جارقىن دالەلى دەپ اتادى.
قازاقستان تاۋەلسىزدىگىنىڭ مەرەيتويىنا وراي كونفەرەنسياعا قاتىسۋشىلارعا رۋمىنيا سەناتىنىڭ ءتوراعاسى جانە بۇرىنعى پرەزيدەنتى، ەكى مەملەكەتتىڭ پارلامەنتارالىق دوستىق توپتارىنىڭ تەڭ ءتوراعالارى – ولگا پەرەپەچينا، كريستيان سىگىرلاش، ءامىرحان راحىمجانوۆ، سونداي-اق رۋمىنيا سەناتىنىڭ سىرتقى ساياسات كوميتەتىنىڭ ءتوراعاسى روزاليا بيرو بەينە ۇندەۋ جاسادى. رۋمىنيا سەناتىنىڭ ءتوراعاسى انكا دراگۋ قازاقستان حالقىن تاۋەلسىزدىكتىڭ 30 جىلدىعىمەن قۇتتىقتاپ، بۋحارەست نۇر-سۇلتاننىڭ حالىقارالىق ارەناداعى كوپتەگەن باستامالارىن قولدايتىنىن جانە ەكى مەملەكەت اراسىندا قالىپتاسقان كەڭ اۋقىمدى ماسەلەلەر بويىنشا سىندارلى ءوزارا ءىس-قيمىلدى اتاپ ءوتتى.
ءىس-شارا سوڭىندا قاتىسۋشىلار قازاقستاندى تاۋەلسىزدىك مەرەيتويىمەن قۇتتىقتاپ، بارلىق قازاقستاندىقتارعا تابىس پەن وركەندەۋ تىلەدى.