قازاقستاننىڭ حالىق ءارتىسى روزا رىمبايەۆا قازاقستان استاناسىنىڭ بىرەگەيلىگى مەن سۇلۋلىعىن ەرەكشە اتاپ ءوتتى.
استانا كۇنى قارساڭىندا الماتىنىڭ بەلگىلى مادەنيەت قايراتكەرلەرى نۇر-سۇلتان قالاسىنا دەگەن ءوز قۇتتىقتاۋلارىن جەتكىزىپ، قازاقستاننىڭ باستى مەگاپوليسىنە دەگەن كوزقاراستارى تۋرالى ايتىپ بەردى، دەپ حابارلايدى Almaty-akhamy.kz.
«بارشا قازاقستاندىقتاردى استانا كۇنىمەن قۇتتىقتايمىن! جىل سايىن ءبىز ەلىمىزدىڭ جەتىستىگىن اتاپ وتەمىز. بۇگىندە نۇر-سۇلتان - اسەم ۇيلەرى مەن ساياباقتارى بار ادەمى قالا. بۇل - زاماناۋي، بىرەگەي، دامىعان مەگاپوليستىڭ ۇلگىسى. مەملەكەتىمىز تاۋەلسىزدىك العاننان كەيىن، استانامىز نۇر-سۇلتان قالاسى بىزگە جاڭا ءومىر سىيلادى. جاڭا قالا، جاڭا قۇرىلىستار، داڭعىلدار قازاقستاننىڭ وتكەنىن ارتتا قالدىردى. نۇر-سۇلتان تاۋەلسىز جاڭا قازاقستاننىڭ سيمۆولىنا اينالدى»، – دەدى ءانشى.
روزا رىمبايەۆا قازاقستاننىڭ ءاربىر قالاسىنىڭ نۇر-سۇلتانداي دامۋىن تىلەدى.