«ال-ناسرا» فۋتبول كلۋبى مەن پورتۋگاليا قۇراماسىنىڭ شابۋىلشىسى كريشتيانۋ رونالدۋ سپورتشىنىڭ جىلدىق كىرىسى بويىنشا جاڭا الەمدىك رەكورد ورناتتى.
2023 جىلى كريشتيانۋ رونالدۋ 136 ملن دوللار پايدا تاپتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل كورسەتكىش بويىنشا ول «ينتەر مايامي» مەن ارگەنتينا قۇرامىسىنىڭ فورۆاردى ليونەل مەسسيدىڭ رەكوردىن جاڭارتتى. وتكەن جىلى «پسج» قۇرامىندا ويناعان مەسسي ءبىر جىلدا 130 ملن دولللار تاپقان بولاتىن.
كريشتيانۋ رونالدۋدىڭ جەتىستىگى گيننەستىڭ رەكوردتار كىتابىنا ەندى. ونىڭ كىرىسىنىڭ ىشىندە تەك كلۋبتان تۇسكەن قارجى عانا ەمەس سونىمەن قاتار كوپتەگەن ميللليونداردى قۇرايتىن دەمەۋشىلىك كەلىسىمشارتتار دا كىرەدى.
وسىعان دەيىن كريشتيانۋ رونالدۋدىڭ گيننەستىڭ رەكوردتار كىتابىنا ەنگەنىن جازعان ەدىك. رونالدۋ Twitter الەۋمەتتىك جەلىسىندەگى ەڭ تانىمال سپورتشى اتاندى. 2016 جىلى 7 قازاندا ونىڭ وقىرماندارى 47 ملن. 262 مىڭ 909 ادامعا جەتكەن.