بۇگىن - قازاق بوكسىنىڭ اتاسى شوقىر بولتەك ۇلىنىڭ تۋعان كۇنى
رينگكە 223 رەت شىعىپ، ونىڭ 199-ىن نوكاۋتپەن اياقتاعان، بوكستان قازاقتان شىققان تۇڭعىش سپورت شەبەرى شوقىر بولتەك ۇلى تۋرالى. بۇل اعامىز بۇدان 100 جىلداي ۋاقىت بۇرىن، ياعني 1916 جىلدىڭ 29 قازانىندا ماڭعىستاۋ وبلىسىنىڭ جارمىش اۋىلىنا قاراستى سارقاۋاق دەگەن جەردە دۇنيەگە كەلگەن. ونىڭ ەسىمى تۇمسىعى تاسقا تيمەي قايتپايتىن بەكىرە تۇقىمداس شوقىر اتتى بالىقپەن ورايلاس قويىلعان ەكەن.
قازاقستاندا العاش رەت 1937 جىلى الماتى قالاسىندا بۇل اعامىز بوكستان ەل بىرىنشىلىگىن ۇيىمداستىرىپ، قازاق بوكسىنىڭ تاريحىن باستاپ بەرەدى. بوكس سپورتىنىڭ تاريحىندا بۇل قوعام كەيىن كەڭ ءورىس الىپ، «دينامو»، «سپارتاك»، ت. ب. اتالىپ، ۇلكەن كەڭىستىكتەرگە شىعادى.
قىلىشىنان قان تامىپ تۇرعان 40-جىلدارى ءوز تەگىن «ۇلى» دەپ جازدىرعان تۇڭعىش قازاق تا وسى – شوقىر بولتەك ۇلى.
«الماتىنىڭ كوشەسىندە جىگىتتەرىمەن بىرگە شوقىر اتامىز كەلە جاتقاندا، ءبارى قوعاداي جاپىرىلا جول بەرەدى ەكەن. سول كەزدەرى شوقىر اتامىزدىڭ بەدەلى قازىرگى الەمدىك انشىلەردەن بيىك بولماسا، كەم بولعان جوق»، - دەيدى بەلگىلى سپورت ءجۋرناليسى قىدىربەك رىسبەك.
«باس كەسپەك بولسا دا، ءتىل كەسپەك جوق» دەگەن حالىق ناقىلىنا كەلتىرىلگەن مىسال شوقىر بولتەك ۇلىنىڭ ومىرىندە دە بار.
شوقىر سوعىستىڭ كەزىندە فاميلياسىنا ۇلى دەپ جازدىرتقانىن ايتتىق. تەگىن ۇلى دەپ جازدىرتقانى ءۇشىن تالاي جەڭىلدىكتەردەن ايىرىلىپ، سان مارتە سوققى جەگەن.
باتىر باۋكەڭ، باۋىرجان مومىش ۇلىنىڭ ءوزى:
«ەكى-اق ناعىز قازاق بارمىز، ءبىرى – مەن، ءبىرى – شوقىر»، – دەيدى ەكەن...
سويتسەك، تەگىن (فاميلياسىن) -وۆ، -ەۆ دەپ وزگەرتپەگەنىن مەڭزەگەن ەكەن-اۋ..
Burahan Daqanov پاراقشاسىنان الىندى