الماتى قالاسى بويىنشا ق ر پرەزيدەنتى سايلاۋىنان حابار تاراتۋ جونىندەگى باسپا ءسوز ورتالىعى الاڭىندا «قوعامدىق پىكىر» قوعامدىق قورى وكىلدەرى - Independ.kz اقپاراتتىق پورتالىنىڭ يەسى رافاەل گاسانوۆ، حبك كورپوراتيۆتىك جانە الەۋمەتتىك دامۋ جونىندەگى پرورەكتورى ديانا مالايەۆا جانە جۋرناليست، بلوگەر ماقسات مامادياروۆتىڭ قاتىسۋىمەن سايلاۋدى باقىلاۋ جونىندە باسپا ءسوز ءماسليحاتى ءوتتى، دەپ حابارلايدى اlmaty-akshamy.kz.
«ءبىز تاڭعى 6-دان باستاپ جۇمىس ىستەپ جاتىرمىز، 531 ۋچاسكەنى قامتىدىق. بيىلعى سايلاۋدى باقىلاۋعا قاتىسىپ، بەلسەندىلىك تانىتىپ جاتقان جاستار وتە كوپ»، - دەدى رافاەل گاسانوۆ.
ول وسى ساعاتقا دەيىن «قوعامدىق پىكىر» قوعامدىق قورى باقىلاۋشىلارىنىڭ مالىمەتى بويىنشا ەشقانداي زاڭ بۇزۋشىلىق تىركەلمەگەنىن ايتتى. سۇراقتار تۋىنداعان جاعدايدا باقىلاۋشىلار دەرەۋ ۇيىمنىڭ شتاب-پاتەرىنە باياندايدى.
داۋىس بەرۋگە كەلىپ جاتقان سايلاۋشىلارعا قاتىستى ديانا مالايەۆا الماتىلىقتاردىڭ دەمالىس كۇنى تۇسكە دەيىن ۇيىقتاعاندى جاقسى كورەتىنىن ايتتى. ءبىراق تۇسكە قاراي ولاردىڭ سانى ارتا باستادى.
«كۇننىڭ ءبىرىنشى جارتىسى ءوتتى. باقىلاۋشىلار جاقسى دايىندالعان. سۇراقتار كەلىپ جاتىر، ولارعا جەرگىلىكتى باقىلاۋشىلار تۇشىمدى جاۋاپ بەرە الادى»، — دەدى ديانا مالايەۆا.
رافاەل گاسانوۆتىڭ ايتۋىنشا، سايلاۋ ۋچاسكەلەرىندە ءجيى كەزدەسەتىن ماسەلەلەردىڭ ءبىرى تۇراقتى تىركەلگەن ورنى بويىنشا تىركەۋدەن شىعۋ تۋرالى تالون الماعان كۇيى الماتىداعى سايلاۋ ۋچاسكەسىنە كەلگەن ادامدارعا قاتىستى.
«ارينە، ءارتۇرلى جاعدايلار بار جانە ولاردىڭ ءارقايسىسىن جەكە قاراستىرۋ كەرەك. كەز كەلگەن ادام تۇسىنبەگەن نارسەسىن سايلاۋ ۋچاسكەسىنە بارىپ بىلە الادى، سول جەردە وعان بارلىعىن ءتۇسىندىرىپ بەرەدى»، - دەدى سپيكەر.
سونداي-اق ول كوشى-قوننىڭ وتە جوعارى ەكەنىن، الماتىدا تىركەلمەي جۇرگەندەردىڭ كوپ ەكەنىن باسا ايتتى. رافاەل گاسانوۆ كەشكى باسپا ءسوز ءماسليحاتىندا ەسەپتەن شىعارۋ كۋالىكتەرىنە قاتىستى قانشا جاعداي تىركەلگەنىن جاريالاۋعا ۋادە بەردى.
«سايلاۋشىلاردىڭ ىشىندە داۋىس بەرۋگە ورتا جانە ەگدە جاستاعى ادامدار كوبىرەك كەلەدى»، - دەدى ر.گاسانوۆ.
ديانا مالايەۆا داۋىس بەرۋگە العاشقى بولىپ ەگدە جاستاعى ادامداردىڭ، ال جاستاردىڭ، وتباسىلىق جۇپتاردىڭ ساعات 11-12-دەن كەيىن كەلەتىنىن ايتتى.