پرەپارات قازاقستانعا جەتكىزىلدى.
«سپۋتنيك لايت» پرەپاراتىنىڭ 150 000 دوزاسى اقىسىز نەگىزدە بەرىلەتىن بولادى، دەپ حابارلايدى Almaty-akshamy.kz قاراعاندى فارماسيەۆتيكالىق كەشەنىنە سىلتەمە جاساپ.
قازاقستان مەن رەسەي اراسىنداعى تاتۋ كورشىلىك قارىم-قاتىناستاردى، فارماسيەۆتيكالىق نارىقتاعى كوپ جىلعى جەمىستى ىنتىماقتاستىقتى، سونداي-اق سوڭعى كۇندەردەگى ەلدەگى الەۋمەتتىك-ەكونوميكالىق جاعدايعا ەلەۋلى اسەر ەتكەن قايعىلى وقيعالاردى ەسكەرە وتىرىپ، «قاراعاندى فارماسيەۆتيكالىق كەشەنى» ج ش س (قفك) اكسيونەرلەرىمەن كوروناۆيرۋس ينفەكسياسى تارالۋىنىڭ الدىن الۋعا قارسى كۇرەستە كومەك كورسەتۋ تۋرالى شەشىم قابىلداندى.
قازاقستانعا ريەۆاكسينالاۋ ءۇشىن گامالەيا اتىنداعى عزو ازىرلەگەن COVID-19-عا قارسى ءبىر كومپونەنتتى «سپۋتنيك لايت» پرەپاراتىنىڭ 150 000 دوزاسى اقىسىز نەگىزدە بەرىلەتىن بولادى.
20 قاڭتارعا دەيىن «سپۋتنيك لايت» ۆاكسيناسى نۇر-سۇلتان قالاسىنداعى سق-«فارماسيا» قويماسىنا بەرىلەدى.
قازاقستان حالقىن يممۋنداۋ ءۇشىن قفك ءبىرىنشى بولىپ وتكەن جىلدىڭ اقپان ايىندا «سپۋتنيك V» ۆاكسيناسىن جەتكىزۋدى جانە ءوندىرۋدى جۇزەگە اسىرعانى بەلگىلى. سق-«فارماسيا» ءبىرىڭعاي ديستريبيۋتەرىمەن مەملەكەتارالىق شارت شەڭبەرىندە قاراعاندى فارماسيەۆتيكالىق كەشەنى قازاقستاندىقتاردى ۆاكسينانىڭ 7 000 000 دوزاسىمەن قامتاماسىز ەتۋ بويىنشا مىندەتتەمەلەرىن تولىق كولەمدە ورىندادى.
ۆاكسينالار وندىرۋدەن باسقا، قفك الەۋمەتتىك ءمانى بار اۋرۋلاردى-گەموفيليا، ونكولوگيا، ۆيرۋستىق گەپاتيتتەر، قانت ديابەتى، سونداي-اق ورفاندىق اۋرۋلاردى ەمدەۋگە ارنالعان بيوتەحنولوگيالىق دارىلىك پرەپاراتتاردىڭ ۇلكەن جەلىسىن شىعارۋمەن اينالىسادى. كاسىپورىن بۇل باعىتتا 2005 جىلدان بەرى جۇمىس اتقارىپ كەلەدى.