الماتى بولىمشەلىك كولىكتەگى سانيتارلىق-ەپيدەميولوگيالىق باقىلاۋ باسقارماسى مەترو قىزمەتكەرلەرىنە ەكپەنىڭ ماڭىزدىلىعى تۋرالى اقپاراتتارمەن ءبولىسىپ، ريەۆاكسينالاۋدىڭ ماڭىزدىلىعى جايلى ءسوز قوزعادى. وزدەرىڭىز بىلەتىندەي، 22 قاراشادان باستاپ ەلىمىزدە ازاماتتاردى كوروناۆيرۋستىق ينفەكسياعا قارسى ريەۆاكسينالاۋ باستالدى.
ريەۆاكسينالاۋ باستالعانعا دەيىن كوپتەگەن دايىندىق جۇمىستارى جۇرگىزىلدى: ەكپە كابينەتتەرىنىڭ دايىندىعىن باقىلاۋ، ريەۆاكسينالاۋ الگوريتمى بويىنشا مەديسينا قىزمەتكەرلەرىنە ارنالعان وقىتۋ سەمينارلارىن وتكىزۋ، حالىق اراسىندا ءاقپاراتتىق-تۇسىندىرۋ جۇمىستارى جۇرگىزىدۋدە. سونداي-اق، ءتۇسىندىرۋ جۇمىستارى بارىسىندا جولاۋشىلاردىڭ سانيتارلىق تالاپتاردىڭ دۇرىس ساقاتالۋى، قىزمەتكەرلەرگە قاجەتتى بەتپەردەمەن زالاسىزداندىرعىش قۇرالداردىڭ جەتكىلىكتىگى تەكسەرىلدى. ەلەكترمەن جابدىقتاۋ قىزمەتىنىڭ باسشىسى كەرىمبەكوۆ قانىبەك ريەۆاكسينا ماڭىزى جايلى ءسوز قوزعاي وتىرىپ، مەتروپوليتەن قىزمەتكەرلەرىنىڭ 99%-ى ەكپەنىڭ ەكى بىردەي كومپونەنتىن العاندىعىن اتاپ ءوتتى.
«ريەۆاكسينالاۋدىڭ ماڭىزى – حالىقتىڭ ۇجىمدىق يممۋنيتەتىن قالىپتاستىرۋ. يممۋندىق جاۋاپتىڭ وزىندىك زاڭدىلىقتارى بار. ريەۆاكسينالاۋدان كەيىن يممۋنيتەت كۇشتى بولادى»،–دەيدى ەلەكتورجابدىكتاۋ قىزمەتىنىڭ باسشىسى.
ەسكە سالا كەتسەك، ەكپە سالدىرماس بۇرىن پاسيەنت دارىگەرگە تەكسەرىلۋى قاجەت. ۆاكسينالاۋ - ول اۋماقتى پروسەسس. ەڭ الدىمەن دارىگەر پاسيەنتتى تەكسەرەدى، وعان زەرتحانالىق تالداۋلار جۇرگىزەدى. مىسالى، ۆاكسينا سالدىرۋ كەزىندە ناۋقاستا ءورشىپ كەتكەن، اسقىنعان، سوزىلمالى اۋرۋلارى بولماۋى كەرەك. سونداي-اق، دەنە قىزۋىنىڭ جوعارىلاۋى، السىزدىك بولماۋى ءتيىس.
ۆاكسينا جۇكتى ايەلگە، ەمىزۋلى ءسابيى بار انالارعا جانە 18 جاسقا دەيىنگى بالالارعا سالىنبايدى. بۇل وتە ماڭىزدى. سەبەبى سوزىلمالى اۋرۋى بار ادامعا ۆاكسينا سالىنسا، وندا ونىڭ يممۋنيتەتى قالىپتاسپايدى. سوندىقتان دارىگەر جيناقتاعان تالداۋلار ناتيجەسىن كورگەننەن كەيىن عانا پاسيەنتتى ۆاكسينالاۋ بولىمىنە جىبەرەدى. بۇل بولىمگە پاسيەنت ۆاكسينانى الۋ ءۇشىن ءبىر ەسىكتەن كىرسە، ۆاكسينا العاننان كەيىن باسقا ەكىنشى ەسىكتەن شىعادى