پروەكسيا جۇرگىزۋشىلەرگە جولدان ءوتىپ بارا جاتقان ادامدى 100-150 مەتردەن بايقاۋعا مۇمكىندىك بەرەدى.
كولىك قارقىنى جوعارى رەسپۋبليكالىق تاسجولدارعا پروەكسيالىق جولاقتار ورناتىلدى، دەپ حابارلايدى Almaty-akshamy.kz
رەسپۋبليكالىق ماڭىزى بار تاسجولداردا جول قوزعالىسى قاۋىپسىزدىگىن ارتتىرۋ ءۇشىن قازاۆتوجول ماماندارى جاياۋ جۇرگىنشىلەرگە ارنالعان پروەكسيالىق وتكەلدەردى ورناتىپ جاتىر. ماسەلەن، زاماناۋي تەحنولوگيا الماتى وڭىرىندە ورنالاسقان رەسپۋبليكالىق ماڭىزداعى تاسجولداردا پايدا بولدى.
بەس جاڭا پروەكسيالىق جاياۋ جۇرگىنشىلەر وتكەلدەرى ەلدى-مەكەندەردىڭ، وقۋ ورىندارىنىڭ جانە مەديسينالىق كومەك كورسەتۋ پۋنكتتەرىنىڭ قاسىنا ورناتىلدى.
ا-2 "ءور شەكاراسى (تاشكەنتكە) - شىمكەنت - تاراز - الماتى - قورعاس" تاسجولىنىڭ 29 شاقىرىمىندا (قاراساي اۋدانى، بارىس اۆتوبازارىنىڭ جانىندا)؛
ا-4 «الماتى - شامالعان - ۇزىناعاش-اققاينار-سۇرانشى باتىر-قر شەكاراسى" تاسجولىنىڭ 52 شاقىرىمىندا (جامبىل اۋدانى، قارعالى كەنتىنىڭ جانىندا)؛
م-36 "رف شەكاراسى (ەكاتەرينبۋرگكە) - الماتى" اۆتوجولىنىڭ 40 شاقىرىمىندا (قاراساي اۋدانى، قوشمامبەت كەنتىنىڭ جانىندا)؛
ا-2 "ءور شەكاراسى (تاشكەنتكە) - شىمكەنت - تاراز - الماتى - قورعاس" تاسجولىنىڭ 24 شاقىرىمىندا
(تالعار اۋدانى، پانفيلوۆ كەنتىنىڭ ماڭىندا)؛
ر-17 “الماتى-تالعار-بايدىبەك بي" تاسجولىنىڭ 15 شاقىرىمىندا (تالعار اۋدانى، بەلبۇلاق كەنتىنىڭ جانىندا) ورناتىلدى.
ارنايى گوبو-پروەكتورلاردىڭ كومەگىمەن اۋا-رايىنىڭ كەز كەلگەن تۇرىندە اۆتوكولىك جۇرگىزۋشىلەرى مەن جاياۋ جۇرگىنشىلەر جولدا اق-سارى جاياۋ جۇرگىنشىلەر زەبراسىن انىق كورە الادى. پروەكسيا جۇرگىزۋشىلەرگە جولدان ءوتىپ بارا جاتقان ادامداردى 100-150 مەتر قاشىقتىقتا ۋاقتىلى بايقاۋعا مۇمكىندىك بەرەدى.
ءدال وسىنداي 30-عا جۋىق پروەكسيالىق جولاق بۇعان دەيىن ەلىمىزدىڭ
توعىز ءوڭىرىنىڭ رەسپۋبليكالىق ماڭىزداعى تاسجولدارىنا ورناتىلدى.