قازاقستان رەسپۋبليكاسى مادەنيەت جانە اقپارات مينيسترلىگى، ءدىن ىستەرى كوميتەتىنىڭ قولداۋىمەن ا.ج. 16-20 قىركۇيەك كۇندەرى رەسپۋبليكالىق دەڭگەيدەگى اقپاراتتىق ءتۇسىندىرۋتوبى مۇشەلەرى الماتى قالاسىنىڭ تۇرعىندارىمەن كەزدەستى، دەپ حابارلايدى aqshamnews.kz
اتالعان كەزدەسۋلەردىڭ ماقساتى حالىقتىڭ ءدىنتانۋلىق ساۋاتتىلىعىن ارتتىرۋ جانە ءدىنسالاسىنداعى مەملەكەتتىك ساياساتتى ءتۇسىندىرۋ جۇمىستارىن جۇرگىزۋ ارقىلى قوعامدا جالعان ءدىني يدەيالاردىڭ تارالۋىن بولدىرماۋ جانە ءدىني ەكسترەميزمنىڭ الدىن الۋ بولىپ تابىلادى.
اتالعان باعىتتا جالپى سانى 20 ءىس-شارا ۇيىمداستىرىلىپ، 700-دەن استام ادام قامتىلدى.
اتالعان ءىس-شاراعا: سارسەمبايەۆ رۋسلان مەيىرجان ۇلى – ءال-فارابي اتىنداعى قازۇۋ اعاوقىتۋشىسى، ءدىنتانۋشى؛ مامەتباي نۇرسۇلتان ءابدىسامات ۇلى – ءدىني ەكسترەميزمگە قارسى ءىس-قيمىل اكادەمياسىنىڭ باس ساراپشىسى؛ءنۇسىپحانوۆ تيمۋر ءنۇسىپحان ۇلى – الماتى قالاسى، «IHSAN» عىلىم جانە مادەنيەت ورتالىعىنىڭ ءتوراعاسى، تەولوگيا ع.PhD د.؛ بەرىكبايەۆ ەلنار عالىمجان ۇلى - ءال-فارابي اتىنداعى قازۇۋ اعا وقىتۋشىسى، ءدىنتانۋشى؛ ستامباكييەۆ نۇرجان جاقسىلىق ۇلى – «نۇر-مۇباراك» ەگيپەت يسلام مادەنيەتى ۋنيۆەرسيتەتىنىڭ اعا وقىتۋشىسى، PhD د. سەكىلدى ءدىن ماسەلەلەرى بويىنشا رەسپۋبليكالىق دەڭگەيدەگى اقپاراتتىق ءتۇسىندىرۋ توبىنىڭ مۇشەلەرى قاتىستى.
ءتۇسىندىرۋ توبىنىڭ مۇشەلەرى الماتى قالاسى بويىنشا تۇرعىنداردىڭ ءارتۇرلى ساناتتارىمەن كەزدەسىپ، «سوتتالعاندار اراسىندا رۋحاني-ادامگەرشىلىك قۇندىلىقتاردى، ۇلتتىق داستۇرلەر مەن مادەنيەتتى ناسيحاتتاۋ»، «جاستار اراسىندا رۋحاني قۇندىلىقتاردى ءتۇسىندىرۋجانە ءدىني ساۋاتتىلىقتى ارتتىرۋ»، «ءدىني ەكسترەميزم جانە ونىڭ الدىن الۋ»، «زايىرلى قوعام جانە مەملەكەت دامۋىنىڭ زايىرلىلىق پرينسيپتەرى»، «زايىرلىلىق جانە ءدىن» جانە ت.ب تاقىرىپتاردا ءتۇسىندىرۋ جۇمىستارىن جۇرگىزدى.
كەزدەسۋلەر بارىسىنداعى اقپاراتتىق-ءتۇسىندىرۋجۇمىستارى اياسىندا مەملەكەتتىك قىزمەتشىلەر، مەكتەپ مۇعالىمدەرى، ستۋدەنت جاستار، سپورتشىلار مەن جاتتىقتىرۋشىلار جانە تۇزەتۋ مەكەمەسىندە جازاسىن وتەۋشىلەر جانە ت.ب. تۇرعىندار قامتىلدى.