كولىك مينيسترلىگى اۆتوموبيل جانە تەمىرجولداردىڭ سۋ باسىپ، شايىلىپ كەتۋىنە جول بەرمەۋ ءۇشىن شارالار قابىلداپ جاتىر.
ۇكىمەت وتىرىسى بارىسىندا كولىك ءمينيسترى پرەمەر-مينيسترگە اۆتوموبيل جانە تەمىرجولداردىڭ دايىندىعى تۋرالى بايانداپ بەردى. مارات قارابايەۆتىڭ مالىمەتىنشە، سوڭعى 3 جىلدا رەسپۋبليكالىق اۆتوجولداردا سۋ تاسقىنى ءقاۋپى بار ۋچاسكەلەردىڭ سانى 20%-عا قىسقاردى. بيىل تاۋلىك بويى كەزەكشىلىك جانە كۇندەلىكتى پاترۋلدەۋ سۋ تاسقىنى ءقاۋپى بار 396 ۋچاسكەدە، 68 كوپىردە جانە 650 سۋ وتكىزۋ قۇبىرلارىندا ۇيىمداستىرىلدى. ەرىگەن سۋدى وتكىزۋ ءۇشىن سۋ وتكىزگىش قۇبىرلاردىڭ ساڭىلاۋلارىن اشۋ جانە قاردان تازارتۋ جۇمىستارى جۇرگىزىلۋدە، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
جەدەل شارالار قابىلداۋ ءۇشىن بارلىق وڭىردە 10 مىڭ تەكشە مەتر قۇم، 3 مىڭ تەكشە مەتر قوقىس تاس، 2 مىڭ تەكشە مەتر قيىرشىق تاس جانە 49 مىڭ قاپ دايىندالدى.
سۋ تاسقىنى ءقاۋپى بار ۋچاسكەلەردە اۆتوجولداردى رەكونسترۋكسيالاۋ شەڭبەرىندە ۋچاسكەلەردىڭ بۇزىلۋىن بولدىرماۋ جانە اۆتوموبيلدەردىڭ ءقاۋىپسىز ءوتۋىن قامتاماسىز ەتۋ ءۇشىن جاساندى قۇرىلىستاردى قوسىمشا ورناتۋ، سۋ وتكىزۋ قۇبىرلارىنىڭ ديامەترلەرىن جانە ولاردىڭ سانىن ۇلعايتۋ، سونداي-اق جەر توسەمى ءۇيىندىسىنىڭ بيىكتىگىن ارتتىرۋ بويىنشا جۇمىستار جۇرگىزىلۋدە.
تەمىرجول سالاسىندا «مۇزجارعىش پەن تاسقىن سۋلاردى وتكىزۋگە جول مەن جاساندى قۇرىلىستاردى دايىنداۋ تۋرالى» بۇيرىق بەكىتىلدى. وعان سايكەس قتج جانە تجم اۋماقتىق ورگاندارى تەمىرجول توسەمىنەن جوعارى ورنالاسقان 83 سۋ قويمالارى مەن بوگەتتەردىڭ جاي-كۇيىن تەكسەرۋ جۇمىستارىن جۇرگىزۋدە.
«سۋ تاسقىنى كەزەڭىندە شارالار قابىلداۋ ءۇشىن شامامەن 2،6 مىڭ تەكشە مەتر تاس، 8 مىڭنان استام كونديسيالىق ەمەس تەمىربەتون شپالدار، 145 قۇبىر جانە باسقا دا قاجەت ماتەريالدار دايىندالدى. سۋ تاسقىنى جاعدايى باقىلاۋدا، اۆتوموبيل جانە تەمىرجولداردىڭ شايىلىپ كەتۋىنە جول بەرمەۋ بويىنشا بارلىق قاجەتتى شارا قابىلدانىپ جاتىر»، - دەدى مارات قارابايەۆ.