رەسپۋبليكا كۇنىنە وراي ەلىمىزدەگى باسسەيندىك ينسپەكسيالارعا 20 اۆتوكولىك تابىستالدى، دەپ حابارلايدى aqshamnews.kz
استانادا سۋ شارۋاشىلىعى سالاسىنىڭ قىزمەتكەرلەرىن مەملەكەتتىك جانە ۆەدومستۆولىق ناگرادالارمەن ماراپاتتاۋ ءراسىمى ءوتتى. سالتاناتتى جيىنعا قازاقستان رەسپۋبليكاسى پرەمەر-مينيسترىنىڭ ورىنباسارى قانات بوزىمبايەۆ پەن سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ قاتىستى.
«قۇرمەتتى ارىپتەستەر، سىزدەردى شىن جۇرەكتەن رەسپۋبليكا كۇنىمەن قۇتتىقتايمىن. بۇل ەلىمىزدىڭ تاريحي تاڭداۋىن ايقىنداعان ەگەمەندىك دەكلاراسياسى قابىلدانعان كۇن. مەملەكەت باسشىسى قاسىم-جومارت توقايەۆ قاراپايىم ەڭبەك ادامىنىڭ مارتەبەسىن كوتەرۋگە ەرەكشە ءمان بەرىپ كەلەدى. پرەزيدەنت ەلىمىزدە 2025 جىلدى جۇمىسشى ماماندىقتارى جىلى دەپ جاريالادى. سۋ شارۋاشىلىعى سالاسىندا ەلىمىزدىڭ سۋ قاۋىپسىزدىگىن قامتاماسىز ەتۋدە تىنىمسىز ەڭبەك ەتىپ جۇرگەن ون مىڭنان استام ادام بار. ءارقايسىڭىزعا زور دەنساۋلىق، كۇش-جىگەر جانە تولايىم تابىس تىلەيمىن!» - دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
مەرەكە قارساڭىندا سۋ شارۋاشىلىعى سالاسىنىڭ 34 مامانى مەملەكەتتىك ناگرادالارمەن ماراپاتتالدى. ولاردىڭ ىشىندە 8 ادام «قۇرمەت» وردەنىمەن، 2 قىزمەتكەر ءىىى دارەجەلى «ەڭبەك داڭقى» وردەنىمەن، 13 مامان «ەرەن ەڭبەگى ءۇشىن» مەدالىمەن ماراپاتتالدى. سونىمەن قاتار، «سۋ شارۋاشىلىعىنىڭ ارداگەرى» جانە «سۋ شارۋاشىلىعىنىڭ ۇزدىگى» توسبەلگىلەرى، سونداي-اق، سۋ رەسۋرستارى جانە يرريگاسيا ءمينيسترىنىڭ «قۇرمەت گراموتاسى» مەن «العىس حاتى» تابىستالدى.
سالتاناتتى جيىندا سۋشىلار ديناستياسىنىڭ وكىلدەرى دە ماراپاتقا يە بولدى. ايتا كەتۋ كەرەك، «قازسۋشار» كاسىپورنىندا 67 سۋشىلار اۋلەتى جۇمىس ىستەيدى.