رەسپۋبليكا كۇنىنە بايلانىستى قازان ايىنداعى دەمالىس كۇندەرىنىڭ ورنى اۋىسادى

سونىمەن دەمالىس كۇنىن 2022 جىلعى 22 قازان، سەنبىدەن 24 قازان، دۇيسەنبىگە اۋىستىرۋ جوسپارلانۋدا.

ەڭبەك جانە حالىقتى الەۋمەتتىك قورعاۋ مينيسترلىگى 2022 جىلدىڭ قازان ايىنداعى دەمالىس كۇندەرىن اۋىستىرۋدى قاراستىراتىن ۇكىمەت قاۋلىسىن دايىندادى، دەپ حابارلايدى Almaty-akshamy.kz Zakon.kz-كە سىلتەمە جاساپ.

ەڭبەك مينيسترلىگىنىڭ حابارلاۋىنشا، بيىل «قازاقستان رەسپۋبليكاسىنداعى مەرەكەلەر تۋرالى» زاڭعا وزگەرتۋلەر ەنگىزۋ جوسپارلانىپ وتىر، وندا 25 قازان سەيسەنبىگە سايكەس كەلەتىن مەملەكەتتىك مەرەكە – رەسپۋبليكا كۇنى بولىپ بەلگىلەندى.

وسىعان بايلانىستى جۇمىس ۋاقىتىن ءتيىمدى پايدالانۋ ماقساتىندا دەمالىس كۇندەرىن اۋىستىرۋ جوسپارلانۋدا.

قۇجات اشىق نقا ۆەب-سايتىندا جاريالانعان.

22 قىركۇيەكتە قازاقستان رەسپۋبليكاسى پارلامەنتى سەناتىنىڭ جالپى وتىرىسىندا دەپۋتاتتار كينەماتوگرافيا، مادەنيەت جانە مەرەكەلەر ماسەلەلەرى بويىنشا 25 قازان – رەسپۋبليكا كۇنىن مەملەكەتتىك مەرەكەلەر قاتارىنا قايتارۋدى كوزدەيتىن تۇزەتۋلەردى قابىلدادى.

16 ماۋسىمدا قازاقستان پرەزيدەنتى قاسىم-جومارت توقايەۆ ۇلتتىق مەرەكە مارتەبەسىن رەسپۋبليكا كۇنىنە قايتارۋدى ۇسىندى. بۇل تۋرالى ول ۇلتتىق قۇرىلتايدىڭ العاشقى وتىرىسىندا مالىمدەدى.

1990 جىلى 25 قازاندا قازاقستاننىڭ مەملەكەتتىك ەگەمەندىگى تۋرالى دەكلاراسيا قابىلداندى.