رەسمي ۆاشينگتون تەگەرانعا قارسى سانكسيالار ەنگىزدى

بۇل - كومپانيالار مەن يران ازاماتتارىنا قارسى سانكسيالار.

اقش قارجى مينيسترلىگى رەسەيگە ۇشقىشسىز باسقارىلاتىن ۇشاق اپپاراتتارىن جەتكىزۋگە قاتىسى بار كومپانيالار مەن يران ازاماتتارىنا قارسى سانكسيالار ەنگىزدى، دەپ حابارلايدى Almaty-akshamy.kz Inbusiness.kz سىلتەمە جاساپ.

ەنگىزىلگەن سانكسيالار اقش-تىڭ يۋريسديكسياسىنداعى نەمەسە بانكروتتىققا ۇشىراعان ادامدارعا قاتىستى كەز-كەلگەن مۇلىكتى بۇعاتتاۋدى قامتيدى. سونىمەن قاتار، اگەنتتىك سانكسيالارعا ۇشىراعان كاسىپورىندارمەن مامىلەلەر جاسايتىن ءۇشىنشى تۇلعالار دا شەكتەۋلەرگە تاپ بولۋى مۇمكىن ەكەنىن ەسكەرتتى. بۇل تۋرالى اگەنتتىك ءوزىنىڭ رەسمي سايتىندا 8 قىركۇيەكتە حابارلادى.

29 تامىزدا The Washington Post گازەتىندە ماقالا جاريالانعان ماقالادا يران رەسەيگە دونباسستى قورعاۋ جونىندەگى ارنايى وپەراسيادا قولدانۋعا ارنالعان ۇشقىشسىز باسقارىلاتىن ۇشاقتاردى جىبەردى دەپ ايتىلعان. گازەتتىڭ اقپارات كوزدەرىنە سۇيەنسەك، رەسەي فەدەراسياسى ءارتۇرلى تيپتەگى جۇزدەگەن يراندىق ۇشقىشسىز ۇشاقتار، سونىڭ ىشىندە Mohajer-6 جانە Shahed قابىلداعان.

30 تامىزدا كرەملدىڭ رەسمي وكىلى دميتريي پەسكوۆ امەريكاندىق The Washington Post گازەتىنىڭ كەلتىرگەن اقپاراتى شىندىققا جاناسپايتىنىن كەسىپ ايتتى. اتالمىش اقپاراتتى يران تاراپى دا راستاعان جوق.