بۇعان سالىقتىق شەگەرىمدەرگە قاتىستى كۇشىنە ەنگەن جاڭا وزگەرىستەر سەبەپ بولىپ وتىر، دەپ حابارلايدى aqshamnews.kz
بۇرىن جالاقىنىڭ 55 مىڭ تەڭگەگە دەيىنگى بولىگىنە سالىق سالىنبايتىن. ەندى بۇل شەك 130 مىڭ تەڭگەگە دەيىن ۇلعايتىلدى. وسىلايشا، سالىقتان بوساتىلعان سوما 75 مىڭ تەڭگەگە ارتتى. ال وسى ايىرمانىڭ 10 پايىزى — 7 500 تەڭگە — قىزمەتكەردىڭ جالاقىسىندا قالۋى كەرەك.
قارجى ساراپشىسى، ەكس-بانكير سۇلتان ەلەمەسوۆتىڭ ايتۋىنشا، جالاقىدان ۇستالاتىن سالىق — جۇمىس بەرۋشىنىڭ ەمەس، قىزمەتكەردىڭ ءوز سالىعى. جۇمىس بەرۋشى تەك سالىق اگەنتى رەتىندە سول قارجىنى مەملەكەتكە اۋدارىپ وتىرادى. سوندىقتان زاڭناماداعى وزگەرىستەر ناتيجەسىندە پايدا بولعان بارلىق جەڭىلدىكتەر تىكەلەي قىزمەتكەردىڭ تابىسى بولىپ ەسەپتەلەدى.
ساراپشى وسىعان بايلانىستى قىزمەتكەرلەرگە بۋحگالتەرياعا بارىپ، جالاقىنىڭ وسەتىن-وسپەيتىنىن ناقتىلاپ سۇراۋعا كەڭەس بەرەدى. سەبەبى بۇرىن قولدانىلعان ستاندارتتى شەگەرىم — 14 ايلىق ەسەپتىك كورسەتكىشتىڭ ورنىنا ەندى 30 ايلىق ەسەپتىك كورسەتكىش كولەمىندەگى بازالىق شەگەرىم ەنگىزىلگەن.
الايدا بۇل جەڭىلدىك اۆتوماتتى تۇردە بەرىلمەيدى. سالىقتىق شەگەرىم تەك قىزمەتكەر بۋحگالتەرياعا ءتيىستى ءوتىنىش تاپسىرعان جاعدايدا عانا قولدانىلادى.