سول تالعار شاتقالىنداعى سەلگە بايلانىستى «ۇلكەن الماتى اينالما جولىنا» ءوتۋ قازىرگى تاڭدا قولجەتىمسىز، دەپ حابارلايدى almaty-akshamy.kz
2021 جىلعى 27 شىلدەدە سول تالعار شاتقالىندا تۋريستەر ءۇشىن ءقاۋىپتى كەدەرگىگە اينالعان سەل تاسقىنى بولدى. اتاپ ايتقاندا، ۇلكەن الماتى كولىنەن تۋريست اسۋى ارقىلى "ۇلكەن الماتى اينالما جولى" باعىتى بويىنشا وتۋگە شەشىم قابىلداعاندار ءۇشىن.
توتەنشە جاعدايلاردى بولدىرماۋ ءۇشىن، الماتى اكىمدىگى قالا تۇرعىندارى مەن قوناقتارىنا تۋريستىك باعىتتىڭ جوعارى قاۋىپتىلىگىنە بايلانىستى ول بويىنشا وتۋدەن باس تارتۋدى ۇسىنادى.
ايتا كەتۋ كەرەك، مۇنداي كۇردەلىلىكتى قاجەت ەتەتىن 2-3 كۇندىك تۋريستىك باعىتتارعا دايىندىق پەن تۋريستىك جابدىقتار قاجەت. 2GIS وفلاين-ناۆيگاتورىندا تانىمال تۋريستىك باعىت قۇلاعان سەلگە بايلانىستى «جابىق» ەكەندىگى تۋرالى ەسكەرتۋ جاسالادى.
«ۇلكەن الماتى اينالما جولى» تۋريستىك باعىتى ىلە الاتاۋىنداعى ەڭ تانىمال ترەككينگ-باعىتتاردىڭ ءبىرى. ول شىمبۇلاق تاۋ شيپاجايىنان ۇلكەن الماتى كولىنە دەيىن تالعار جانە تۋريست اسۋلارى ارقىلى وتەدى. مارشرۋت بويىنشا ەكى باعىتقا دا وتۋگە بولادى.
الماتى قالاسىنىڭ قۇتقارۋ قىزمەتى قالا تۇرعىندارى مەن تۋريستەرگە تاۋداعى قاۋىپسىزدىك تەحنيكاسىن ساقتاۋدى ۇسىندى.
تاۋداعى قاراپايىم ءجۇرىس-تۇرىس ەرەجەلەرىن ەسكە سالامىز:
1. تاۋعا باراردا ءوز كۇشىڭىزدى باعىتقا بايلانىستى دۇرىس ەسەپتەڭىز. دايىندىق دەڭگەيى بويىنشا باعىتتى تاڭداڭىز.
2. تاۋعا بارار الدىندا جاقىندارىڭىزعا ناقتى باعىتتى ايتىڭىز. تۋىستارىڭىز ءسىزدى قايدان ىزدەۋ كەرەكتىگىن ءبىلۋى كەرەك.
3. تاۋلاردا سوقپاقتان شىقپاڭىز. جولدى قىسقارتۋعا تىرىسپاڭىز.
4. ەگەر باعىت بويىنشا كوتەرىلۋ قيىنداعان جاعدايدا، ارتقا قاراي تومەن ءتۇسىڭىز. ەڭ باستىسى - ورالۋ.
قۇتقارۋ قىزمەتىنىڭ ءنومىرى - 109.