«التىن پاسپورت» تۋرالى ارنايى زاڭ جوباسى ازىرلەندى.
قىرعىزستاندا «التىن پاسپورت» تۋرالى زاڭ جوباسى ازىرلەندى، دەپ حابارلايدى Almaty-akshamy.kz Inbusiness.kz سىلتەمە جاساپ.
ەندى ينۆەستورلار جەڭىلدەتىلگەن ءتارتىپ ارقىلى قىرعىزستان ازاماتتىعىن الا الادى. زاڭ جوباسى قوعامدىق تالقىلاۋعا جىبەرىلدى.
«ەگەر ينۆەستور ەكونوميكامىزعا 300 مىڭ دوللار قۇيسا، ءبىز وعان قىرعىزستان ازاماتتىعىن بەرە الامىز دەپ ويلايمىن. ولار جىلجىمايتىن مۇلىكتى ساتىپ الا الادى نەمەسە بيزنەس باستاۋىنا بولادى. وسىنداي جاعدايدا ءبىز ينۆەستورلارعا جەڭىلدەتىلگەن تارتىپپەن ازاماتتىق بەرۋىمىز كەرەك»، – دەدى ينۆەستيسيالار جونىندەگى ۇلتتىق اگەنتتىكتىڭ باسشىسى راۆشان سابيروۆ.
بۇعان دەيىن مۇنداي پاسپورتتى ەل ەكونوميكاسىنا 500 مىڭ دوللاردان استام قاراجات قۇيعان ينۆەستورلارعا بەرۋ ۇسىنىلعان بولاتىن.
قازاقستاندا «التىن پاسپورتتى» ەنگىزۋ يدەياسى ەلىمىزدىڭ 2022-2026 جىلدارعا ارنالعان الەۋمەتتىك-ەكونوميكالىق دامۋ تۋرالى قۇجاتتا جازىلعان بولاتىن.