64 جاستاعى ايەل 17 جىل بۇرىن رەسەي ازاماتتىعىن العان
قازاقستاننان 5 جىلدان استام ۋاقىت بويى زاڭسىز زەينەتاقى الىپ كەلگەن رەسەيلىك ايەل انىقتالدى، دەپ حابارلايدى Almaty-akshamy.kz.
شقو پوليسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كوشى-قون قىزمەتىنىڭ ماماندارى وسكەمەندە قوس ازاماتتىق فاكتىسىن انىقتادى.
64 جاستاعى ايەل 17 جىل بۇرىن رەسەي ازاماتتىعىن العان. الايدا قازاقستاندا تۇرعان ول 5 جىل بويى وسى ەلدەن زەينەتاقى الىپ ءجۇردى.
«قازاقستاندىق قۇجاتتاردى پايدالانعانى ءۇشىن قۇقىق بۇزۋشىعا ق ر اقبتك-نىڭ 496-بابى بويىنشا 100 اەك، ياعني 153 150 تەڭگە سوماسىندا ايىپپۇل سالىندى. قازىرگى ۋاقىتتا ودان قازاقستاندىق قۇجاتتار تاركىلەنىپ، ەل ازاماتتىعىنان ايىرىلدى. سونداي-اق زاڭسىز الىنعان اقشانى قايتارۋ ماسەلەسى قاراستىرىلىپ جاتىر»، - دەدى وبلىستىق پد باستىعىنىڭ ءبىرىنشى ورىنباسارى ەلدوس زاكيموۆ.
جىل باسىنان بەرى ءوڭىر اۋماعىندا قوس ازاماتتىعى بار 35-تەن استام ادام انىقتالعان.