2021 جىلدىڭ 29 جەلتوقسانىنان باستاپ رەسەيگە 90 كۇننەن استام مەرزىمگە كەلەتىن قازاقستان ازاماتتارى رەسەيلىك مەديسينالىق مەكەمەلەردە ناشاقورلىق پەن جۇقپالى اۋرۋلاردىڭ، ونىڭ ىشىندە ايتۆ ينفەكسياسىنىڭ جوقتىعىن راستاۋى كەرەك دەپ حابارلايدى almaty-akshamy.kz قازاقپاراتقا سىلتەمە جاساپ.
انىقتامالاردى ءىىم اۋماقتىق ورگاندارىنا تاپسىرۋ قاجەت. كامەلەتكە تولماعان نەمەسە ارەكەتكە قابىلەتسىز ازاماتتاردىڭ قۇجاتتارىن ونىڭ اتا-اناسىنىڭ، قورعانشىلارىنىڭ نەمەسە قامقورشىلارىنىڭ ءبىرى (6 جاسقا دەيىنگى بالالارعا قولدانىلمايدى) ۇسىنا الادى.
سونداي-اق، قازاقستاندىقتارعا مىندەتتى مەملەكەتتىك داكتيلوسكوپيالىق تىركەۋدەن جانە سۋرەتكە تۇسىرۋدەن ءوتۋ قاجەت، ودان كەيىن ءىىم اۋماقتىق ورگاندارى ولارعا ءتيىستى قۇجات بەرەدى. نازار اۋدارىڭىز! ەڭبەك قىزمەتى ماقساتىندا رەسەيگە كەلگەن جاعدايدا، جوعارىدا كورسەتىلگەن راسىمدەر كەلگەن كۇننەن باستاپ 30 كۇن ىشىندە، باسقا ماقساتتاردا – 90 كۇن ىشىندە ءوتۋى كەرەك.
مەديسينالىق انىقتامالاردىڭ قولدانىلۋ مەرزىمى اياقتالعاننان كەيىن قازاقستاندىقتار 30 كۇن ىشىندە مەديسينالىق كۋالاندىرۋدان قايتا وتۋگە جانە جاڭا قۇجاتتاردى ءىىم اۋماقتىق ورگانىنا نەمەسە مەملەكەتتىك جانە جەرگىلىكتى قىزمەتتەردىڭ ءبىرىڭعاي پورتالىن پايدالانا وتىرىپ، ەلەكتروندىق قۇجات نىسانىندا نە ۆەدومستۆولىق باعىنىستى كاسىپورىن نەمەسە ۋاكىلەتتى ۇيىم ارقىلى ۇسىنۋعا مىندەتتى. جوعارىدا اتالعان تالاپتار ورىندالماسا، رەسەيدە بولۋ مەرزىمى قىسقارتىلۋى مۇمكىن.