رەسەيدىڭ شاحتى قالاسىنداعى زاۋىتتا بولعان ءورت پەن جارىلىس سالدارىنان كەم دەگەندە توعىز ادام زارداپ شەكتى، دەپ حابارلايدى اlmaty-akshamy.kz.
"يزۆەستيا" سايتىنىڭ حابارلاۋىنشا، 17 قاڭتاردا رەسەي فەدەراسياسىنىڭ روستوۆ وبلىسى شاحتى قالاسىنداعى زاۋىتتا ماتراستار مەن جاستىقتارعا سالما شىعاراتىن سەح ورتەنگەن. ءورت 200 م² اۋماقتى قامتىدى. كەيىن جالىن 360 م² اۋماققا جايىلدى.
باسىلىم جاريالاعان ۆيدەوعا قاراعاندا، ءورتتىڭ سالدارىنان جارىلىس بولىپ، عيماراتتىڭ ءبىر بولىگىن قيراتىپ كەتكەن.
ءورتتى سوندىرۋگە 58 ءورت ءسوندىرۋشى مەن 17 تەحنيكا جۇمىلدى. وقيعا سالدارىنان توعىز ادام زارداپ شەكتى. روستوۆ وبلىسىنىڭ گۋبەرناتورى ۆاسيليي گولۋبيەۆتىڭ ايتۋىنشا، ءبىر زارداپ شەگۋشىگە سول جەردە مەديسينا كومەگى كورسەتىلدى. تاعى ۇشەۋى كۇيىك الدى، بەسەۋى ءتۇرلى اۋىرلىقتاعى جاراقاتپەن اۋرۋحاناعا جەتكىزىلدى. الدىن الا مالىمەت بويىنشا، قازا تاپقاندار جوق.
روستوۆ وبلىسىنىڭ دەنساۋلىق ساقتاۋ مينيسترلىگىنىڭ وكىلدەرى شاحتىعا اتتاندى. ءورت ءقازىردىڭ وزىندە ءسوندىرىلدى.
ءبىر اپتا بۇرىن سەمەيدەگى سەمەنت زاۋىتىندا ءىرى ءورت بولدى.