رەسەيدە كوروناۆيرۋستىڭ جاڭا شتامى انىقتالدى

كوروناۆيرۋستىڭ جاڭا شتامى AY.4.2 دەگەن اتپەن بەلگىلى

بۇل تۋرالى روسپوترەبنادزور وعزي ەپيدەميولوگيالىق ادام اۋرۋلارىن دياگنوستيكالاۋدىڭ جاڭا ادىستەرىن جاسايتىن عىلىمي توپتىڭ جەتەكشىسى كاميل حافيزوۆ مالىمدەدى، دەپ حابارلايدى Almaty-akshamy.kz ريا نوۆوستي-عا سىلتەمە جاساپ.

حافيزوۆتىڭ ايتۋىنشا اتالعان شتاممنىڭ رەسەي اۋماعىندا بىرەن-ساران جاعدايلارى تىركەلگەن. بۇل شتامم قانشالىقتى جۇقپالى ەكەنىن ايتۋ قيىن دەيدى ساراپشى.

 سونىمەن بىرگە، مامان AY.4.2 نۇسقاسىنىڭ تارالۋ ىقتيمالدىلىعى رەسەي مەن الەمدە "جەتكىلىكتى" ەكەنىن اتاپ ءوتتى. الايدا، ول ساراپشىلار بۇل ۆيرۋستىڭ ءدال وسى نۇسقاسىنىڭ ءار ءتۇرلى ەلدەردە كۇندەلىكتى COVID-19 ينفەكسياسىنىڭ كوپتەگەن جاعدايلارىنا اكەلىپ وتىر دەپ سانامايتىنىن ايتتى.

19 قازان كۇنى ۇلىبرياتانيادا كوروناۆيرۋستىڭ جاڭا فورماسى تارالا باستادى. ساراپشىلار AY.4.2 شتاممى پاندەميا باستالعالى تابىلعان ەڭ جۇقپالى شتامى بولۋى مۇمكىن دەپ بولجاپ وتىر.

كوروناۆيرۋستىڭ جاڭا ءتۇرى تەك ۇلىبريتانيا اۋماعىندا تىركەلگەن دەپ حابارلانعان بولاتىن جانە ونى ەلدەگى COVID-19-بەن ناۋقاستانعان پاسيەنتتەرىنىڭ 10 پايىزعا جۋىعى جۇقتىرعان. بۇگىندە جاڭا شتامدى جۇقتىرۋ جاعدايلارى يزرايلدە، سونداي-اق، اقش-تا تىركەلگەن.