قايعىلى جاعدايعا بايلانىستى تەرگەۋ باستالدى
22 قازان كۇنى تاڭەرتەڭ ريازان وبلىسىندا جارىلعىش زات وندىرەتىن «رازرياد» كومپانياسىنىڭ سەحىندا ءورت بولدى. سوڭعى مالىمەتتەر بويىنشا، ءورت سالدارىنان 15 ادام كوز جۇمدى، دەپ حابارلايدى اlmaty-akshamy.kz
شيلوۆ اۋدانى لەسنوە كەنتىندەگى بۇل وقيعاعا قاتىستى اقپارات توتەنشە جاعدايلار مينيسترلىگىنە ماسكەۋ ۋاقىتىمەن ساعات 08:22 كەزىندە حابارلاندى.
ءورت ءبىر قاباتتى سەحتا بولعان جانە وندا جارىلعىش زات ساقتالعان. ءورت 160 شارشى مەتر اۋداندا اۋىزدىقتالىپ، قازىرگى كەزدە قىزىل جالىن ءسوندىرىلدى. بەلگىلى بولعانداي، سەح عيماراتى تولىقتاي قيراپ، وپىرىلىپ تۇسكەن.
تەك جەكەلەي قۇرىلىستار عانا ءورت سالدارىنان بۇزىلماعان. ريازان وبلىسىنىڭ بيلىگى 15 ادامنىڭ قازا بولعانىن راستادى. قايعىلى وقيعا بويىنشا رف تەرگەۋ كوميتەتى تەكسەرۋدى باستاپ كەتتى.
عيماراتىندا ءورت بولعان «رازرياد» جشق ونەركاسىپتىك جارىلعىش زات شىعارۋعا ماماندانعان. سونىمەن قاتار كاسىپورىن ءوق-دارىنى ۋتيليزاسيالاۋمەن اينالىسىپ كەلدى.