جەلى قولدانۋشىلارى ينستا-الەممەن قوش ايتىسۋدا
رەسەيدە «ينستاگرام» بۇعاتتالدى. اقپاراتقا باقىلاۋ جاسايتىن مەملەكەتتىك مەكەمە اتالعان الەۋمەتتىك جەلىنىڭ ەل اۋماعىندا تارالۋىنا شەكتەۋ قويدى، دەپ حابارلايدى Almaty-akshamy.kz 24.kz-كە سىلتەمە جاساپ.
مۇنداي شەشىمدى قابىلداۋعا «ينستاگرام» باسشىلىعىنىڭ رەسەيلىكتەرگە قاتىستى زورلىق-زومبىلىق كورىنىستەرىنە رۇقسات بەرۋى سەبەپ بولعان. كرەمل "مەتا" امەريكالىق كورپوراسياسىن ەكسترەميستىك ۇيىم دەپ تانىدى. ەستەرىڭىزگە سالا كەتەيىك، 4 ناۋرىزدا رەسەي بيلىگى Facebook پاراقشاسىن بۇعاتتاعان بولاتىن.
"بىزدە تالانتتى ادامدار جەتىپ ارتىلادى عوي. سولار ءبىراز ۋاقىتتان كەيىن بالاما جەلىلەر جاسايدى دەپ ويلايمىن. ونىڭ ۇستىنە ءبارىن اينالىپ وتەتىن VPN بار ەمەس پە؟! ەندى ءارى قاراي نە كۇتۋگە بولاتىنىن بىلمەيمىن. بۇدان ءبىرىنشى كەزەكتە تابىس تاۋىپ كەلگەن بلوگەرلەر قاتتى زارداپ شەگەدى. قاتارداعى ادامداردىڭ ەش كىناسى جوق، نەگىزى قاراپايىم جۇرت بۇلاي قينالماۋى كەرەك ەدى".
"مەن ينستاگرام، يۋتيۋب، فەيسبۋك، ۋوتساپتى بەلسەندى قولداناتىن ەدىم. سونداي-اق ءتۇرلى ۇيالى قوسىمشالاردىڭ كومەگىمەن مۋزىكالىق تۋىندىلار جاسايتىن ەدىم. ەندى ولارمەن قوش ايتىستىم"، - دەپ قاراپايىم تۇرعىندار ءتۇرلى پىكىر ءبىلدىرىپ جاتىر.