رەسەيلىكتەر سوڭعى بىرنەشە كۇندە Facebook جەلىسىنە كىرۋدە قيىندىقتارعا تاپ بولعانىن ايتادى.
"روسكومنادزور" بۇل شەشىمدى كەشە قابىلداعان، دەپ حابارلايدى Almaty-akshamy.kz Starhit.ru سايتىنا سىلتەمە جاساپ.
روسكومنادزوردىڭ رەسمي سايتىندا رەسەي تۇرعىندارىنىڭ الەۋمەتتىك جەلىنى پايدالانا المايتىندىعى تۋرالى جاڭالىق پايدا بولدى. ۆەدومستۆو وزدەرىنىڭ نەگە مۇنداي قاتاڭ شاراعا بارۋعا ءماجبۇر بولعانىن ءتۇسىندىردى.
«2022 جىلدىڭ 4 ناۋرىزىندا رەسەي فەدەراسياسىندا Facebook جەلىسىنە (Meta Platforms، Inc. كومپانياسىنا تيەسىلى) كىرۋگە تىيىم سالۋ تۋرالى شەشىم قابىلداندى. 2020 جىلدىڭ قازان ايىنان بەرى Facebook تاراپىنان رەسەيلىك ب ا ق پەن اقپاراتتىق رەسۋرستاردى كەمسىتۋدىڭ 26 وقيعاسى تىركەلدى. سوڭعى كۇندەرى الەۋمەتتىك جەلىدەن "زۆەزدا" تەلەارناسى، "ريا نوۆوستي" اقپاراتتىق اگەنتتىگى، Sputnik، Russia Today، Lenta.ru جانە Gazeta.ru اقپاراتتىق رەسۋرستارى سياقتى اككاۋنتتارعا كىرۋ شەكتەلگەن.
جوعارىدا اتالعان شەكتەۋلەرگە «ادامنىڭ نەگىزگى قۇقىقتارى مەن بوستاندىقتارىن، رەسەي فەدەراسياسى ازاماتتارىنىڭ قۇقىقتارى مەن بوستاندىقتارىن بۇزۋعا قاتىسى بار ادامدارعا ىقپال ەتۋ شارالارى تۋرالى» № 272-فز فەدەرالدىق زاڭىمەن تىيىم سالىنادى، سونىمەن قاتار اقپاراتتىڭ ەركىن اعىنىنىڭ بۇزۋشىلىقتاردىڭ الدىن الۋ ءۇشىن قابىلدانعان، رەسەيلىك پايدالانۋشىلاردىڭ شەتەلدىك ينتەرنەت-پلاتفورمالارداعى رەسەيلىك باق-قا كەدەرگىسىز قول جەتكىزۋىنىڭ نەگىزگى قاعيداتتارىنا سايكەس»، - دەپ اتاپ ءوتتى "روسكومنادزور" وكىلدەرى.
ءبىراز ۋاقىتتان كەيىن Twitter جەلىسىن توقتاتۋ تۋرالى دا بەلگىلى بولدى. باسقا تانىمال الەۋمەتتىك جەلىلەر – Instagram، Telegram-عا كەلەتىن بولساق، ولار ءالى دە جۇمىس ىستەپ تۇر. ءبىر ايتا كەتەتىنى، كوپتەگەن رەسەيلىك جۇلدىزدار ۆكونتاكتە اككاۋنتتارىن بەلسەندى تۇردە «جانداندىرىپ» جاتىر.