سارسەنبى كۇنى يركۋتسك وبلىسىندا اپاتقا ۇشىراعان ان-12 ۇشاعىنىڭ بورتىندا توعىز ادام بولعان، دەپ حابارلايدى almaty-akshamy.kz قازاقپاراتقا سىلتەمە جاساپ.
بۇل تۋرالى توتەنشە جاعدايلاردى جويۋ جونىندەگى كوميسسيا وتىرىسىندا توتەنشە جاعدايلار مينيسترلىگىنىڭ وبلىس بويىنشا ورتالىق اپپاراتى باسشىسىنىڭ ءبىرىنشى ورىنباسارى اندرەي ريابوۆولوۆ ءمالىم ەتكەن.
«گرودنو اۋە كومپانياسىنىڭ وكىلىنەن الىنعان ناقتىلانعان اقپاراتقا سايكەس، ۇشاق بورتىندا توعىز ادام، ونىڭ ىشىندە بەس ەكيپاج مۇشەسى جانە جۇكتى الىپ جۇرەتىن ءتورت ادام بولعان»، - دەدى ول.
باس كەڭسە باسشىسىنىڭ ءبىرىنشى ورىنباسارى التى ادامنىڭ ءمايىتى تابىلىپ، ساراپتاماعا جەتكىزىلگەنىن اتاپ ءوتتى. توعىز ادامنىڭ تورتەۋى - رەسەي، ۇشەۋى - بەلارۋس، ەكەۋى ۋكراينا ازاماتى.