سالىق بەرەشەگى 5 مىڭ رۋبل شاماسىندا.
رەسەي فەدەراسياسى سالىق تولەۋدەن جالتارعان قازاقستان ازاماتىنا ىزدەۋ جاريالادى، دەپ حابارلايدى Almaty-akshamy.kz
Polisia.kz مالىمەتىنشە، بيىل 3 مامىردا شىعىس قازاقستان وبلىسى پوليسيا دەپارتامەنتىنە رف التاي ولكەسى بويىنشا سوت پريستاۆى فەدەرالدىق قىزمەتىنەن 5 مىڭ رۋبل (33 مىڭ 704 تەڭگە، 1 رۋبل - 6،74 تەڭگە) مولشەرىندە جەر سالىعىن تولەمەگەن 69 جاستاعى قازاقستان ازاماتىنا ىزدەۋ جاريالاۋ تۋرالى حات ءتۇستى.
«كوشى-قون قىزمەتى قىزمەتكەرلەرى سالىق تولەمەگەن ايەلدىڭ پاۆلودار قالاسىندا تۇرىپ جاتقانىن انىقتادى. ولار مالىمەتتەردى قۇزىرلى ورگاندارعا جىبەردى»، - دەپ جازىلعان حابارلامادا.
جىل باسىنان بەرى شقو-دا پوليسەيلەر وسىنداي 60-قا جۋىق ازاماتتى انىقتاعان.