رەسەي قازاقستان ارقىلى استىق ءترانزيتىن ارتتىردى

ترانزيت كولەمى وسەتىن بولادى.

2021 جىلى قازاقستان ارقىلى رەسەي استىعىن ترانزيتتىك تاسىمالداۋ 424 مىڭ توننانى قۇرادى. بۇل 2020 جىلعا قاراعاندا 48 مىڭ تونناعا ارتىق، دەپ حابارلايدى Almaty-akshamy.kz Eldala.kz سىلتەمە جاساپ.

بۇل، اسىرەسە، ەاەو مۇشەسى بولىپ تابىلاتىن قىرعىزستانعا جەتكىزىلىمدەر بويىنشا جانە جوعارى ترانزيتتىك تاريف قولدانىلمايتىن تەمىرجول تاسىمالى ءۇشىن بايقالادى. 2021 جىلى قازاقستان اۋماعى ارقىلى قىرعىزستانعا رەسەي استىعىنىڭ ءترانزيتى 2020 جىلعى 168 مىڭ تونناعا قاراعاندا 286 مىڭ توننانى قۇرادى.

ەاەو-عا كىرمەيتىن باسقا ورتا ازيا ەلدەرىنە 2021 جىلى ترانزيتتىك تاسىمالدار تومەندەدى. ماسەلەن، وزبەكستانعا جەتكىزۋ 2020 جىلعى 31 مىڭ تونناعا قاراعاندا 21 مىڭ توننانى، تۇرىكمەنستانعا - ءبىر جىل بۇرىنعى 8 مىڭ تونناعا قاراعاندا 3 مىڭ توننانى، تاجىكستانعا – 8 مىڭ تونناعا قاراعاندا 2 مىڭ توننانى قۇرادى.

الايدا، ءقازىر جاعداي وزگەرۋدە جانە ترانزيت كولەمى وسەتىن بولادى. سەبەبى، قازاقستانعا قاراعاندا رەسەيلىك بيدايدىڭ شىعىمدىلىعى ونىڭ وزىندىك قۇنىنىڭ تومەندىگىن انىقتايدى. بۇل وعان كولىك شىعىندارىن وتەي وتىرىپ، ورتا ازيا نارىعىندا اناعۇرلىم قىمبات قازاقستاندىق استىقپەن تابىستى باسەكەلەسۋگە كومەكتەسەدى.

اتاپ ايتقاندا، بۇعان دەيىن تاجىكستان رەسەيلىك بيدايدى قازاقستاندىق بيدايمەن تولىعىمەن الماستىرۋ جوسپارىن جاريالاعان بولاتىن. قازىرگى ۋاقىتتا بۇل ەل استىقتىڭ 90%-ىن قازاقستاننان اكەلەدى.