پوليسيا تانىمال رەپەر Qarakesek-كە قاتىستى ەسىرتكى ساقتادى دەگەن كۇدىكپەن سوتالدى تەرگەۋ جۇرگىزىپ جاتىر، - دەپ حابارلايدى اqshamnews.kz ءتىلشىسى.
ءىىم مالىمەتىنشە، ومار امانتايەۆ (Qarakesek) اقتوبەدە ۇستالعاننان كەيىن، اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوت ونى ماس كۇيىندە اۆتوكولىك جۇرگىزدى دەپ كىنالى دەپ تانىدى. امانتايەۆقا 15 تاۋلىككە قاماۋ جازاسى تاعايىندالدى. سونىمەن قاتار، ول 7 جىل مەرزىمگە كولىك جۇرگىزۋ قۇقىعىنان ايىرىلدى.
"ەسىرتكى قۇرالدارىن ساقتاۋ دەرەگى بويىنشا ق ر قك-نىڭ 296-بابى 2-بولىگى – "ەسىرتكى قۇرالدارىن، پسيحوتروپتىق زاتتاردى وتكىزۋ ماقساتىندا ەمەس، زاڭسىز ساقتاۋ" بويىنشا سوتالدى تەرگەۋ جۇرگىزىلىپ جاتىر"، – دەپ حابارلادى ءىىم.
ەگەر رەپەر ەسىرتكىنى زاڭسىز ساقتادى دەپ كىنالى دەپ تانىلسا، وعان 160 اەك-كە دەيىن (2025 جىلى – 629 120 تەڭگە) ايىپپۇل سالىنۋى، نە 160 ساعاتقا دەيىن قوعامدىق جۇمىستارعا تارتىلۋى، نە 40 تاۋلىككە دەيىن قايتا قاماۋعا الىنۋى مۇمكىن.
بۇعان دەيىن رەپەردىڭ تەك اكىمشىلىك قاماۋعا الىنعانى حابارلانعان بولاتىن. ال ەسىرتكى ساقتاۋ بويىنشا قىلمىستىق ءىس جايلى پوليسيا ايتپاعان ەدى.
ەسكە سالايىق، قىركۇيەكتىڭ باسىندا اقتوبە پوليسياسى 31 جاستاعى رەپ-ورىنداۋشىنى ەسىرتكىلىك ماس كۇيىندە ۇستاعان بولاتىن. ونىڭ جانىنان ۇنتاق زات سالىنعان زيپ-پاكەت تابىلدى.
ۇستالعان ادامنىڭ Qarakesek ەكەنى انىقتالدى. بۇل - ومار امانتايەۆتىڭ ساحنالىق ەسىمى. ول 1994 جىلى 17 قازاندا ورالlf دۇنيەگە كەلگەن. ءانشى العاشقى شىعارمالارىن ينتەرنەتكە قاراپايىم كامەرا ارقىلى ءتۇسىرىپ، جەلىگە جاريالاعان. 18 جاسىندا العاشقى ەكى البومىن شىعاردى. Qarakesek قازاقستانداعى ەڭ ۇزدىك ليريكالىق رەپ-ورىنداۋشىلاردىڭ ءبىرى سانالادى. ونىڭ بەينەباياندارىن YouTube-تا ميلليونداعان ادام كورەدى.